ამბები

16:36 | 11.01.2017 | ნანახია 2520 - ჯერ

„ბორჯღალოსანთა“ ყოფილი მწვრთნელი რუმინეთში იმუშავებს

საქართველოს ნაკრების ყოფილი მწვრთნელი მაიკლ ბრედლი სამუშაოდ რუმინეთში გადავიდა. ის იქაური სუპერლიგის აუტსაიდერის, „ბუქარესტის“ მთავარი მწვრთნელი გახდა.

54 წლის სპეციალისტი „ბორჯღალოსნებში“ პირველად 2010 წელს, მაშინდელი მთავარი მწვრთნელის, რიჩი დიქსონის ტექნიკური მრჩევლის სტატუსით გამოჩნდა და გუნდში 2011 წლის 31 დეკემბრამდე იმუშავა. მას ირლანდიის ეროვნულ გუნდში 9 ნომრის პოზიციაზე 40 მატჩი აქვს ნათამაშები, 1987 და 1995 წლების მსოფლიო თასების მონაწილეცაა. 2010 წლამდე ირლანდიის 21-წლამდელთა და A ნაკრებების მწვრთნელი იყო, ხოლო 2008 წელს ირლანდიის ეროვნულ გუნდს ახალი ზელანდია-ავსტრალიის ტურნეზე, ასევე “ბარბაროსებთან” გამართულ მატჩში წვრთნიდა.

ბრედლი ირლანდიური “კონახტის” დირექტორად და 2011-2013 წლებში „ედინბურგის“ მთავარ მწვრთნელად მუშაობდა, რის შემდეგაც საქართველოს ნაკრებში დაცვის მწვრთნელად დაბრუნდა და ჩვენთან 2015 წლის მსოფლიო თასის დასრულებამდე იმუშავა.

მისი ამჟამინდელი გუნდი „ბუქარესტი“ რუმინეთის სუპერლიგაში ბოლო, მე-7 ადგილზეა. პირველ წრეში ჩატარებული 6 თამაშიდან დედაქალაქელებმა მხოლოდ ერთი მოიგეს და 4 ქულა აქვთ.


კომენტარები (1)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
02:10 | 12.01.2017
dinamo222 (234)

დიდი ვერაფერი მწვრთნელია ზელანდიასთან და განსახუთრებით არგენტინასთან ჩვენი დაცვა საშინლად გამოიყურებოდა !

0.225344