10 დეკემბერს დიდი 10-ის XI ტურის ორი თამაში გაიმართა და ორივეში გამარჯვება მასპინძლებს დარჩათ.

თბილისში ადგილობრივ „აკადემიასა“ და გორის „ჯიქს“ შორის დაძაბული ბრძოლა გაიმართა. ანგარიში სტუმრებმა ლელოთი გახსნეს და გარდასახვაც გაიტანეს, მაგრამ შესვენებამდე 3 ჯარიმა მიიღეს და 2 ქულით ჩამორჩნენ. დაძაბული მეორე ტაიმი უქულოდ დასრულდა, საბოლოოდ „აკადემიამ“ 9:7 იმარჯვა და 4 ქულა მიითვალა, ხოლო „ჯიქს“ პრემია ერგო.

მეორე მატჩში ბათუმში გაიმართა და ადგილობრივი გუნდი ქუთაისის „ბაგრატზე“ მეტისმეტად ძლიერი აღმოჩნდა. ზღვისპირელებმა სტუმრები 67:0 გაანადგურეს, დიდი 10-ის წლევანდელ სეზონში ყველაზე დიდი სხვაობა დააფიქსირეს და მინიმუმ ხვალამდე სატურნირო ცხრილში დაწინაურდნენ.

ხვალ სამი ლიდერი სამ აუტსაიდერს ეთამაშება. დედაქალაქურ დერბებში „შევარდენზე“ „არმაზი“ „ლელო-სარასენსს“, ხოლო „არმია“ „ლოკომოტივს“ ეთამაშება. ქუთაისში „აია“ ბოლნისის „ყოჩებს“ მასპინძლობს.