ნოემბრის ტესტ-სერიის მეორე, წლის ბოლო საშინაო მატჩამდე 2 დღე რჩება და ბორჯღალოსანთა მთავარმა მწვრთნელმა მილტონ ჰეიგმა ნაკრების ის 23 მორაგბე დაასახელა, რომლებიც 19 ნოემბერს სამოას ნაკრებს მიხეილ მესხზე დაუხვდებიან.
სასტარტო რაზმში სამი ცვლილებაა და მათგან ორი ტრავმებითაა გამოწვეული.
შერკინება
მორკინალებმა იაპონელებს შავი დღე აყარეს და ჰეიგმა ფორვარდები უცვლელად დატოვა. თამაშს იწყებს ვასილ ლობჟანიძეც, ხოლო მგეზავად ლაშა მალაღურაძე დადგება, რომელმაც გასულ შაბათს ტრავმირებული ლაშა ხმალაძე მე-11 წუთზე შეცვალა.
დებიუტანტი ხაზში იწყებს
ასევე ტრავმირებული შუამარბის, დავით კაჭარავას ნაცვლად, მერაბ შარიქაძეს გიორგი კოშაძე შეუწყვილდება. რუსთავის ხარების მორაგბისთვის, რომელიც პირველ ლიგაში თამაშობს, ეს პირველი სანაკრებო კეპია. მან თავი უმცროს ბორჯღალოსნებში 2015 წლის მსოფლიო ალაფაშ გამარჯვებითა და 2016 ახალგაზრდულ მსოფლიო ჩემპიონატზე საუცხოო თამაშით გამოიჩინა.
ფრთაზე გიორგი აფციაურის ნაცვლად თამაშს გამოცდილი ალექსანდრე თოდუა იწყებს, რომელიც იაპონიასთან განაცხადში არ იყო. მეორე ფლანგზე კვლავ თამაზ მჭედლიძეს, ხოლო ფულბეკად მერაბ კვირიკაშვილს ვიხილავთ.
მარქაფა
მარქაფაში სამი ისეთი მორაგბეა, რომლებიც ერთი კვირის წინ განაცხადში არ იყვნენ. კვლავ შეცვლაზეა და სადებიუტო შანსს ელოდება ბადრი ალხაზაშვილი, რომელსაც 12 ნოემბერს მოედანზე შესვლა არ მოუწია, ხოლო ბურჯები დავით ქუბრიაშვილი და კარლენ ასიეშვილი არიან. ეს უკანასკნელი ვასილ კაკოვინს ჩაანაცვლებს. თადარიგში არც ამჯერადაა მეორე ხაზის მოთამაში. კვლავინდებურად სკამზეა გიორგი თხილაიშვილი, ხოლო ლაშა ლომიძის ნაცვლად მოედანზე შალვა სუთიაშვილს უნდა ველოდოთ.
მარქაფაში გადაინაცვლა აფციაურმა, სკამიდან იწყებს თამაშს გიორგი ბეგაძე და იქვეა ქუთაისის ‘ბაგრატის’ მგეზავი რევაზ ჯინჭველაშვილი, რომელსაც ჰეიგმა ხმალაძის ტრავმის შემდეგ უხმო. მას ბორჯღალოსნების კვართით ორჯერ აქვს ნათამაშები - 2013 წელს თბილისის თასზე, სამხრეთ აფრიკა ‘ა’-ს და 2016 წლის რაგბი ევროპის ჩემპიონატზე გერმანიის წინააღმდეგ.
შეგახსენებთ, რომ მატჩის ბილეთების შეძენა შესაძლებელია მესხის სტადიონის სალაროებში ყოველდღიურად 11:00-დან 19:00-მდე და ონლაინ ვებგვერდზე TKT.GE/Rugby
საქართველოს ბორჯღალოსნები
შემოდგომის ტესტები 2016 * მეორე შაბათი
სამოა * შაბ 19/11 თბილისი, ვაკე, მესხი @ 15.00
| No | სახელი და გვარი | კლუბი | დაბ | ბრჯ | მონაგარი |
|
| |||||
| უკანა ხაზი [ბექები] | |||||
| 15 | მერაბ კვირიკაშვილი | ლელო სარასენს [საქ დ 10] | 1983 | 96 | 14ლ 130გ 137ჯ 3ა [750 ქ] 4სბ |
| 14 | თამაზ მჭედლიძე | აჟენ [სფრ პრო დ2] | 1993 | 43 | 6ლ სბ |
| 13 | გიორგი კოშაძე | რუსთავის ხარები [საქ Iლ] | 1996 | 0 | : |
| 12 | მერაბ შარიქაძე | ორიაკ [სფრ პრო დ2] | 1993 | 45 | 8ლ [1 კაპ] |
| 11 | სანდრო თოდუა | ლელო სარასენს [საქ დ 10] | 1987 | 57 | 7ლ 2სბ |
| 10 | ლაშა მალაღურაძე | კრასნი იარ [რუს სუპერ] | 1986 | 71 | 4ლ 38გ 25ჯ 3ა [180 ქ] 2სბ |
| 9 | ვასილ ლობჟანიძე | ბრივ [სფრ ტოპ 14] | 1996 | 16 | ლ |
| შერკინება [ფორვარდები] | |||||
| 1 | მიხეილ ნარიაშვილი | მონპელიე [სფრ ტოპ 14] | 1990 | 37 | 2ლ სბ |
| 2 | ჯაბა ბრეგვაძე | ვუსთერ [ინგ პრემ] | 1987 | 38 | ლ 2სბ |
| 3 | ლევან ჩილაჩავა | ტულონ [სფრ ტოპ14] | 1991 | 29 | 3ლ |
| 4 | კოტე მიქაუტაძე | მონპელიე [სფრ ტოპ 14] | 1991 | 43 | 2ლ 2სბ |
| 5 | გიორგი ნემსაძე | ბრისთოლ [ინგ პრემ] | 1984 | 63 | 12ლ 4სბ |
| 6 | ვიტო კოლელიშვილი | კლერმონ [სფრ ტოპ 14] | 1989 | 37 | 4ლ [1 კაპ] 2წბ 5სბ |
| 7 | მამუკა გორგოძე^კაპ | ტულონ [სფრ ტოპ 14] | 1984 | 67 | 26ლ [9 კაპ] 5სბ |
| 8 | ბექა ბიწაძე | შონბრი [სფრ ფედ1] | 1991 | 18 | 4ლ |
| მარქაფა [სათადარიგოები] | |||||
| 23 | გიორგი აფციაური | ლოკომოტივი [საქ დ 10] | 1994 | 20 | ლ |
| 22 | რევაზ ჯინჭველაშვილი | ქუთაისის ბაგრატი [საქ დ 10] | 1995 | 2 | : |
| 21 | გიორგი ბეგაძე | ბოლნისის ყოჩები [საქ დ 10] | 1986 | 49 | 2სბ |
| 16 | ბადრი ალხაზაშვილი | ტულონ [სფრ ტოპ 14] | 1995 | 0 | : |
| 17 | კახა ასიეშვილი | ბრივ [სფრ ტოპ 14] | 1987 | 24 | 2ლ |
| 18 | დუდუ ქუბრიაშვილი | მონპელიე [სფრ ტოპ 14] | 1986 | 43 | 2ლ წბ 2სბ |
| 19 | შალვა სუთიაშვილი | ანგულემ [სფრ პრო დ2] | 1984 | 60 | 2ლ [15 კაპ] 3სბ |
| 20 | გიორგი თხილაიშვილი | ბათუმი [საქ დ 10] | 1991 | 31 | 6ლ სბ |
საქართველოს რაგბის კავშირის პრესსამსახური
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
ძალიან მიკვრის რა მოსწონს ბიწაძეში ჰეიგს>? როდესაც სუთიაშვილი გყავს კაცს . ვერ გამიგია ნამდვილად იმედია რაიმე ჯოკერის სახით ინახავს შოტლანდიისთვის. ბიწაძემ კი დადო ლელო იაპონიასთან გასაგებია იბრძოლა ბევრი მაგრამ მაინც სხვა დონე მგონია სუთიაშვილი. ასევე არ მესმის რატომ არ არის უკვე მეორე თამაშია ჟვანია ასეთი მოქნილი და სწარფი მორკინალი ნუთუ ბევრი გყვავს>?
თუ იცით ვინმემ ჩვენი ამჟამინდელი ნაკრების მორაგბეებიდან ყველაზე სწრაფად ვინა ფარავს დისტანციას? ხმალაძე ან კვირიკაშვილი მგონია მე..
Sutiashvili me piradad ar mesaxeba ziritadis motamashed, samagierod gorgadzes rom arbezleva shansi zalian mikvirs! Bitsadze naxevrad profesiul doneze tamashobs da gorgadze gacilebit zlier pro d2 shi tan chemi azrit eseti "supta" 8 nomeri arc gvkavs. rac sheexeba jvanias, memgoni sakamatobar aris rom dges kvela gamozaxebuli marcxena burji jobia! Marto siscrafe ar aris mtavari, mitumetes burjistvis.
სუთიაშვილი 6 ან 7 ნომერზე თამაშობს ბიწაძე 8 ნომერზე შერკინების შემკვრელია მაინცდამაინც რაგბში დეტალურად ვერ ვერკვევი მარა 6-7 და 8 -ს შორის განსხვავებას ვხედავ... ისე მორკინალებში კონკურენცია დიდია ვერ იტყვი გადაჭრით რომელი უკეთესია მილტონ ჰეიგი თუ არ ხარ... შალვასადმი დიდი პატივისცემის მიუხედავად რომელიც მართლა უძლიერესი მორაგბეა და შალვას უდიდესი წვლილი მიუძღვის ქართული რაგბის განვითარებაში ბოლოს და ბოლოს ჩვენი ნაკრების კაპიტანია მე პირადად უპირატესობას ვანიჭებ ახალგაზრდა მორაგბეების განვითარებას ... 8 ნომერზე მინიმუმ 3 ახალგაზრდა მორაგბე უწევს კონკურენციას ბექა ბიწაძე ბექა გორგაძე და ლაშა ლომიძე... ამ ბიჭებით მართლა ვამაყობ უძლიერესები არიან... მათი გამორჩევა, თუ რომელი ჯობია მხოლოდ მილტონ ჰეიგს შეუძლია (მოქმედ მწვრთნელს)... ასე რომ წარმატებები ჩვენ ყველა მორაგბეს...
ხმალაძეზე სწრაფი მჭედლიძე მგონია მეკოც ძაან სწრაფია საერთოდ ხაზის მოთამაშეებიდან სისწრაფეში ზემოთხსენებულების გარდა ფრუიძე და თოდუა მგონია ერთ ერთ უსწრაფეს მორაგბეებად... არ დაგვავიწყდეს ჩვენი ცხრიანი ლობჟიკა რომელიც სისწრაეფსთან ერთად ძაან ჯანზე მოვიდა ძაან სწრაფად ვითარდება ეს ბიჭი... პირველხაზელების სისწრაფეს რაც შეეხება უდაოდ ჟვანია ყველაზე სწრაფია
მზარდი საქართველოც ხშირად უნდა იკრიბებოდეს და იქნებ დაგეგმონ რამე შეხვედრები, თუნდაც უფრო დალი რანგის გუნდებთან..ისე მაინც ვერ გავიგე გაისად თუ აპირენ ევროტურნირებზე მონაწილეობის მიღებას..
რაგბის კავშირის პრეზიდენტმა, 2016-ში ვერაო, და 2017-ში კი ჩემპიონისთვის გათვალისწინებული იქნებაო ევროპაზე მონაწილეობისთვის ფინანსებიო. ვნახოთ.
მომდევნო წლიდან 2 გუნდი უნდა გავიყვანოთ ევროთასებზე, თორე 2019 ში 2 თამაშის მოგება გაგვიჭირდება და დაგვეწყება სტაგნაცია!
ეჰ, სუპერ რაგბი ხომ საერთოდ დაგვხატავდა, ერთი კარგი ქართული ფრენჩიზით სადაც ნაკრების ძირითადი ბირთვი იქნებოდა თავმოყრილი. ძალიან მაგარ პრაქტიკას პლუს შეთამაშებას მოიტანდა ეს ყველაფერი. წარმოდგენაც კი მიჭირს რა სიმაღლეებზე აგვიყვანდა ეს ყველაფერი. და რა უნდა ამ ყველაფერს? რამდენიმე პატრიოტი ბიზნესმენი, ან რომელიმე ჯიგრიან ბიზნესმენს პლუს სახელმწიფო. სუპერ რაგბის არა მგონია უარი ეთქვა.
მასეთი გუნდით რაგბის ჩემპიონთა თასზე გვათამაშონ უკეთესი იქნება მგონი. ფინანსურადაც იაფი და სპონსორებისთვისაც მიმზიდველი.
ყველაზე რეალურია Pრო 12 ში ჩართვა, საკმაოდ კარგი დონეა
აქ რამდენიმე ვარიანტი გაჟღერდა, გადაწყვეტილება კი რაგბის ფედერაციამ უნდა მიიღოს.
ამისათვის საჭიროა ტვინი აამუშაონ და ერთი ადგილი გაანძრიონ.
ტვინის ამუშავება სჯობია თორე რა იცი რა ადგილს გაანძრევენ
ევრო ტურნირები ევრო ტურნირები და ევრო ტურნირები... რაგბის კავშირმა აუცილებლად უეჭველად უდა შეასრულოს ეს ჩვენი მოთხოვნა, ნუ გასაგებია ეს ყველაფერი დაკავშირებულია ფინანსებთან და შრომასთან... ზუსტად ეგ არის მაგათი საქმე და მაგასში იღებენ ჯამაგირს, უნდა მოიძიონ ფინანსები და მინიმუმ 2 გუნდი ევროტურნირებზე ... ეს თხოვნდა და რჩევა არაა ეს მოთხოვნაა !!! წინააღმდეგ შემთხვევაში დამნაშავეები იქნებიან ჩვენს წინაშე და არანაირი ახსნა განმარტება არ მიიღება... პატივისცემით ქომაგები და დიდი მადლობა აქამდე რაც გააკეთეთ ... მარა ნაბიჯები გადავდგათ წინ ... მსოფლიო რაგბი ძააან ვითარდება უნდა დავეწიოთ
კარგი მგეზავი გვინდა..ჯინჭვალაშვილი მაგარი ბიჭია, კოშაძეს თამაში მომეწონა ძალიან მსოფლიოზე...მოკლედ რაც არ უნდა დაგვიჯდეს უკანახაზელები უნდა გამოვზარდოთ..
რაგბის ახალი პრეზიდენტი არც ღვინოა, არც წყალი, ზის მისთვის ბუტაფორიასავით...
აბა თქვენ იცით. გაიხარეთ და გაგვახარეთ.
წარმატებები ბიჭებო! სიჭინავას ეკუთვნის შანსი, სავარაუდოდ ერთა თასზე მიიღებს კიდეც. ისე მგონი უკეთესი იქნებოდა გორგოძეს მეორე ხაზში ეთამაშა ნემსაძესთან ერთად და მიქაუტაძე შემოსულიყო შეცვლაზე. მესამე ხაზში არ გვიჭირს, ისე რომ გორგოძეს თამაშის აუცილებლობა იყოს ფლანკერად. მოკლედ უკანა ხაზსაც არაუშავს, კარგია თოდუას დაბრუნება. კოშაძეს კიდევ ნურაფრის შეეშინდება, ითამაშოს ისე როგორც 20 წლამდელებში თამაშობდა და ყველაფერი რიგზე იქნება.
აბა ბიჭებო, თქვენ იცით! ხელების ფშვნეტით და სულმოუთქმელად ველოდებით იმის დამტკიცებას რომ იაპონური იმედგაცრუება იშვიათი გამონაკლისი იყო. ძალიან გამიხარდა თოდუას დროულად დაბრუნება. ეგ და ხმალაძე (ალბათ მალაღურა და მეკოც) ის იშვიათი მოთამაშეები არიან ჩვენს გუნდში, ვისაც ფეხით თამაში კარგად გამოსდის. საჭიროა მეტი კრეატიულობა უკანახაზელების მხრიდან. იმედი მაქვს, კოშაძე კარგ თამაშს ჩაატარებს. მთავარია წინასამატჩო ნერვიულობა დაძლიოს და თანაგუნდელების რიტმს აჰყვეს. შეცვლებიც ამ ჯერზე უკეთესი სჩანს.
ასე მგონია რომ ამ თამაშში ახალი რეზერვი (ასიეშვილი-სუთიაშვილი) უფრო ეფექტურად გაირჯებიან ვიდრე ძველი (კაკოვინი-ლომიძე) და სხვებიც მხარს აუბამენ. ძალიან მაინტერესებს ბადრის (ალხაზიშვილი) და რეზის (ჯინჭველაშვილი) თამაში
დარწმუნებული ვარ მოვიგებთ და იაპონიის გაკვეთილი ათვისებული იქნება...
კოშაძეს იმედი მაქ... სასწაულის მოხდენას არავინ თხოვს, უბრალოდ ელემენტალური შეცდომა არ დაუშვას და იქნებ გაიზარდოს კონკურენცია ხაზის მოთამაშეებშიც... თოდუა კარგია, სუთიაშვილი კარგია, ასიეშვილი კარგია, ჯინჭველაშვილი მაინტერესებს და ბადრი ალხაზაშვილი... დავაი ბიჭებო თქვენ გენაცვალეთ
წარმატებები ბიჭებს, განსაკუთრებით დებიუტანტ გიორგი კოშაძეს. ძალიან მინდა რომ თავი კარგად გაართვას ესოდენ რთულ მატჩში მასზე დაკისრებულ პასუხისმგებლობას და სტრესს. რთული თამაში იქნება მაგრამ მჯერა რომ ყველაფერი საჩვენოდ დასრულდება, ჩვენი გამარჯვებით. მალაღურასგან ველი მეტად შემოქმედებით თამაშს, ხაზის გაშლას, კომბინაციებს და ხაძის სიღრმიდან თამაშს რაც იაპონიასთან არგავაკეთეთ, თუ ვერ და ძვირად დაგვიჯდა.
მშვენიერია თოდუას დაბრუნება,კოშაძეს კიდე წარმატებული დებიუტი ქონოდეს.
თოდუა დაბრუნებულა, კარგია.
ძალიან გამეხარდა თოდუას დაბრუნება და შალვა სუთიაშვილიც. იმედია კოშაძეს წარმატებული დებიუტი ექნება.
დარწმუნებული ვარ რომ მოვიგებთ.