ბორჯღალოსანთა მთავარმა მწვრთნელმა მილტონ ჰეიგმა ის 30 მორაგბე შეარჩია, რომელთა იმედიც ნოემბრის ტესტ-მატჩებზე ექნება. ამ სიას ემატება 5 სარეზერვო მოთამაშე, რომლებიც მუდმივ მზადყოფნაში იქნებიან და საჭიროების შემთხვევაში თანაგუნდელების ჩანაცვლებას შეძლებენ.
შეგახსენებთ, რომ 12 და 19 ნოემბერს, თბილისში, შესაბამისად იაპონიასა და სამოას ვმასპინძლობთ, ხოლო 26-ში შოტლანდიას ქილმარნოქში ვეწვევით. ორივე საშინაო თამაში მესხის სტადიონზე გაიმართება და 15 საათზე დაიწყება.
დღეიდან ბილეთების შეძენა უკვე შესაძლებელია სტადიონის სალაროებში და მათი ფასი 3, 5 და 10 ლარია. ბილეთების შეძენა ასევე შესაძლებელია შემდეგ ბმულზე TKT.GE/Rugby
2016 წელს „ბორჯღალოსნებმა“ რვა თამაში ჩაატარეს, აქედან 7 მოიგეს და ერთი ფრედ დაასრულეს. შედეგად, გუნდი მსოფლიო რეიტინგში აღზევდა სარეკორდო მე-11 ადგილზე. გუნდი მიზნად წლის დაუმარცხებლად ჩამთავრებას და მოწინავე 10-ეულში დამკვიდრებას ისახავს, რისთვისაც სტადიონზე ქომაგის მაქსიმალური რაოდენობა ჭირდება.
უშუალოდ მზადებას რაც შეეხება, სამწვრთნელო შტაბი ორი მაღალი დონის სპეციალისტით გაძლიერდა, ხოლო 38-კაციანმა გაფართოებულმა რაზმმა გასულ კვირაში ტულუზში სამდღიანი შეკრება გაიარა. შეკრების დასრულების შემდეგ, მწვრთნელმა ამ ეტაპზე სამი მოთამაშე დაითხოვა - კვაჭი გიორგი ჭყოიძე, მესამე ხაზელი გიორგი მჭედლიშვილი და მგეზავი რევაზ ჯინჭველაშვილი, ხოლო ხუთი თადარიგში გადაიყვანა - ვეტერანი მეორეხაზელი გიორგი ჩხაიძე, მესამეხაზელები ბექა გორგაძე და საბა შუბითიძე, ჰავბექი ვაჟა ხუციშვილი და გარემარბი გიორგი ფრუიძე.
ამრიგად, 30-კაციან რაზმში სამი უკეპო მოთამაშე დარჩა - უკანახაზელები ანზორ სიჭინავა, გიორგი კოშაძე და კვაჭი ბადრი ალხაზაშვილი.
2015 წლის შემდეგ, გუნდს უბრუნდება ვასილ კაკოვინი, რომელმაც მსოფლიო თასი გამოტოვა. ივნისის ოკეანეთის ტურნეზე დაგვაკლდნენ და ამჯერად შეკრებაზე არიან მამუკა გორგოძე, ვიქტორ კოლელიშვილი, კონსტანტინე მიქაუტაძე, დუდუ ქუბრიაშვილი, ლევან ჩილაჩავა და მიხეილ ნარიაშვილი.
რაზმის დასახელებისას ჰეიგმა განაცხადა: „მაქვს პატივი ნოემბრის ტესტებზე უაღრესად გამოცდილი რაზმის იმედი მქონდეს. შემადგენლობაში სამი ადგილი ახალგაზრდა მორაგბეებისთვისაც გამოინახა. მათ ნაკრების კვართით ჯერ არ უთამაშიათ, თუმცა დარწმუნებული ვარ, ჩვენს ვარჯიშებს დამატებით ენერგიას შემატებენ.
“წინ სამი ურთულესი თამაში გველის და ჩვენ მზად უნდა ვიყოთ არა მხოლოდ ფიზიკურად, არამედ მენტალურად, რადგან იაპონიამ, სამოამ და შოტლანდიამ არაერთხელ დაამტკიცეს, რომ მაღალი დონის გუნდები არიან. მათი შესრულებით არაერთი სენსაციის მომსწრენი გავმხდარვართ და გულშემატკივრებთან ერთად, ძალთა სრული მობილიზება უნდა მოვახდინოთ.
“გასულ კვირაში, ტულუზში, სამდღიანი ნაყოფიერი შეკრება გავიარეთ. მოთამაშეებმა უმოკლეს დროში მოახერხეს სისტემების გათავისება და ჩვენი, როგორც მწვრთნელების იმედები გაამართლეს. ფიზიკურად ყველა მორაგბე იდეალურ ფორმაშია და ეს წარმატებული კამპანიის დასაწყებად მშვენიერი წინაპირობაა“.
ბორჯღალოსნების რაზმი 2016 წლის შემოდგომის ტესტებზე
ყველა ბორჯღალოსანი და ტესტი 1989-2016
| No | სახელი და გვარი | კლუბი | დაბ | ბრჯ | მონაგარი |
| უკანა ხაზი [ბექები] | |||||
| 15 | მერაბ კვირიკაშვილი | ლელო სარასენს [საქ დ 10] | 1983 | 95 | 14ლ 128გ 136ჯ 3ა [743 ქ] 4სბ |
| 15 | ბექა წიკლაური | ლოკომოტივი [საქ დ 10] | 1989 | 24 | 4ლ 11გ 15ჯ 2ა [93 ქ] |
| გ | სანდრო თოდუა | ლელო სარასენს [საქ დ 10] | 1987 | 57 | 7ლ 2სბ |
| გ | გიორგი აფციაური | ლოკომოტივი [საქ დ 10] | 1994 | 19 | ლ |
| გ | ანზორ სიჭინავა | აკადემია [საქ დ 10] | 1995 | 0 | : |
| შ | დავით კაჭარავა | ენისეი [რუს სუპერ] | 1985 | 95 | 20ლ [4 კაპ] 2სბ |
| შ | მერაბ შარიქაძე | ორიაკ [სფრ პრო დ2] | 1993 | 44 | 8ლ [1 კაპ] |
| შ | თამაზ მჭედლიძე | აჟენ [სფრ პრო დ2] | 1993 | 42 | 6ლ სბ |
| შ | გიორგი კოშაძე | რუსთავის ხარები [საქ დ 10] | 1996 | 0 | : |
| 10 | ლაშა მალაღურაძე | კრასნი იარ [რუს სუპერ] | 1986 | 70 | 4ლ 38გ 25ჯ 3ა [180 ქ] 2სბ |
| 10 | ლაშა ხმალაძე | ლელო სარასენს [საქ დ 10] | 1988 | 47 | 7ლ 4გ [43 ქ] |
| 9 | გიორგი ბეგაძე | ბოლნისის ყოჩები [საქ დ 10] | 1986 | 48 | 2სბ |
| 9 | ვასილ ლობჟანიძე | ბრივ [სფრ ტოპ 14] | 1996 | 15 | : |
| შერკინება [ფორვარდები] | |||||
| 1 | მიხეილ ნარიაშვილი | მონპელიე [სფრ ტოპ 14] | 1990 | 36 | 2ლ სბ |
| 1 | ზურაბ ჟვანია | სტად ფრანსეზ [სფრ ტოპ 14] | 1991 | 26 | 8ლ 2სბ |
| 1 | ვასილ კაკოვინი | ტულუზ [სფრ ტოპ 14] | 1989 | 24 | ლ სბ |
| 2 | ჯაბა ბრეგვაძე | ვუსთერ [ინგ პრემ] | 1987 | 37 | ლ 2სბ |
| 2 | ბადრი ალხაზიშვილი | ტულონ [სფრ ტოპ 14] | 1995 | 0 | : |
| 3 | დუდუ ქუბრიაშვილი | მონპელიე [სფრ ტოპ 14] | 1986 | 42 | 2ლ წბ 2სბ |
| 3 | ლევან ჩილაჩავა | ტულონ [სფრ ტოპ14] | 1991 | 28 | 3ლ |
| 3 | კახა ასიეშვილი | ბრივ [სფრ ტოპ 14] | 1987 | 24 | 2ლ |
| 2ხ | გიორგი ნემსაძე | ბრისთოლ [ინგ პრემ] | 1984 | 62 | 12ლ 4სბ |
| 2ხ | კოტე მიქაუტაძე | მონპელიე [სფრ ტოპ 14] | 1991 | 42 | 2ლ 2სბ |
| 2ხ | ნოდარ ჭეიშვილი | ლელო სარასენს [საქ დ 10] | 1990 | 4 | : |
| 3ხ | მამუკა გორგოძე | ტულონ [სფრ ტოპ 14] | 1984 | 66 | 26ლ [8 კაპ] 5სბ |
| 3ხ | შალვა სუთიაშვილი | ანგულემ [სფრ პრო დ2] | 1984 | 60 | 2ლ [15 კაპ] 3სბ |
| 3ხ | ვიტო კოლელიშვილი | კლერმონ [სფრ ტოპ 14] | 1989 | 36 | 3ლ [1 კაპ] 2წბ 5სბ |
| 3ხ | გიორგი თხილაიშვილი | ბათუმი [საქ დ 10] | 1991 | 30 | 6ლ სბ |
| 3ხ | ლაშა ლომიძე | ბეზიე [სფრ პრო დ2] | 1992 | 23 | 5ლ სბ |
| 3ხ | ბექა ბიწაძე | შონბრი [სფრ ფედ1] | 1991 | 17 | 3ლ |
| რეზერვი | |||||
| გ | გიორგი ფრუიძე | ქუთაისის ბაგრატი [საქ დ 10] | 1994 | 11 | ლ |
| 9 | ვაჟა ხუციშვილი | ლოკომოტივი [საქ დ 10] | 1993 | 22 | : |
| 2ხ | გიორგი ჩხაიძე | დომონ [სფრ ფედ2] | 1981 | 94 | 10ლ [1 კაპ] 6სბ |
| 3ხ | საბა შუბითიძე | აკადემია [საქ დ 10] | 1994 | 7 | : |
| 3ხ | ბექა გორგაძე | მონ’დე’მარსან [სფრ პრო დ2] | 1996 | 7 | ლ სბ |
საქართველოს რაგბის კავშირის პრესსამსახური
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
GiorgiG83
თბს-ს რეკლამაც მიტყეპებულია ფოტოშოპით 
ნახე არც ერთი ნაოჭი არ აქვს.
"სურათი ფოტოშოპია? ანდერარმორის ემბლემა ერთგან წითელია, მეორეგან თეთრი... "
კი აშკარად
იაპონიას სიჩქარეები კიდევ მეტად აქვს გაზრდილი, არცერთი წამით არ შეიძლება ყურადღების მოდუნება, ძალიან ფრთხილად უნდა ვიყოთ აგრესიულად ვეთამაშოთ.
ბუკმეიკერები როგორ აფასებენ იაპონიასთან ჩვნების შანსებს ხომ არ იცით ვინმემ? ვერ ვიოოვე ვერსად .
ჩვენების თამაშის კუშები ჯერ არ დაუწერია არცერთ საბუკმეიკერო კანტორას. სავარაუდოდ ხვალიდან გამოიტანენ
თითქმის მთელი კვირა კიდე რა მოიცდის
აბა, ჩემი ცოლის უკრაინელი ბიძა აპირებს გამომყვეს, რახან ქუდზე კაცია საჭიროო, ვერ გავარკვიე რაგბში და მოკლედო შენ რო დაიღრიალებ მეც აგყვებიო DDDDDDDDDDDDDDDDDD
ეგ ყოფილა ბიძა თუ ყოფილა
საღოლ ბიძას
იცით რა მაინტერესებს? მეკო ძირითადში იქნება? არის მოტივაციაზე და ფორმაში?
მეკოს 1 000 ქულამდე და 100 თამაშამდე ძალიან ცოტა უკლია. იქნება გადააბიჯოს ამ ზღვარს.
ხუთშაბათს იტყვის ალბათ მელიტონა შემადგენლობას.
მოდი შევეშვათ მტკივნეულ თემებზე აქცენტების კეთებას! ისა სჯობია, ყველა ჩვენს მორაგბეს (მათ შორის მეკოს) ვუსურვოთ სრული კონცენტრაცია მოახლოებულ თამაშებზე და ქომაგთა გახარება. დარწმუნებული ვარ, ვარჯიშებზე ბიჭები უფრო მეტად შეიკვრებიან და შედუღაბდებიან
არანაირი აქცენტი მტკივნეულ თემაზე! მე მაინტერესებს თუ მეკო ვერ იქნება ძირითადში მაშინ დამრტყმელი ვინ იქნება? მალაღურაძე იქნება 15 თუ შუამარბი? ან საერთოდ 10
ეს ძალიან საინტერესოა.
მე ვისურვებდი, რომ მეკომ თავის თავში გამონახოს ძალები და აჯობოს ბედის უკუღმართობას, ეს კარგი იქნება პირველ რიგში თავისი, დაზარალებული ოჯახებისთვის და მთლიანათ ქართული რაგბისთვის.
ჩემი ჩათვლით ქართველი რაგბის გულშემატკივარი ყველაფერში დაგეხმარებით მეკო ! ! !
სურათი ფოტოშოპია? ანდერარმორის ემბლემა ერთგან წითელია, მეორეგან თეთრი...
მოახლოვდა მოახლოვდა, ჩემმა ძმამ დამინიშნა ნიშნობა 19-ში და ვერ ვესწრები, სამაგიეროდ სიდედრმა გადაწია გაფრენის თარიღი რო 12-ში წავიდე თამაშზე და მისი გაცილების გამო არ გამეცდინა
ძალიან მაგარი თამაში უნდა ვაჩვენოთ თანაც ასეთი ოპტიმალური შემადგენლობა მსოფლიოზეც კი არ გვყოლია
რაგბი ჩვენი თამაშია ! ! !
აბა ბიჭებო ყველამ ერთად მივაწვეთ და ერთად შევიდეთ ათეულში
რაგბი ჩვენი თამაშია
ლელო ლელო საქართველო
ოთია გიორგაძე რატომ არ არის? კარგ ფორმაშია , გუნდში ლელოც გაიტანა
გიორგაძე ახლა შევიდან კლუბის ძირითადში, ის რომ ძლიერია და ნაკრებსაც გააძლიერებდა ეს უეჭველია, მაგრამ ჩვენთვის ვფიქრობ უფრო კრიტიკულია ახლა ოთიამ კლუბში დაიმკვიდროს ძირითადში ადგილი და მომავალში როგორც ტოპ 14 ის ძირითადში მოთამაშე დაგვემატოს.
ახლა კლუბში მოუწევს თამაშები და რომ დაიმკვიდროს თავი უმჯობესია კლუბში დარჩეს.
უძლიერესი ნაკრებია... ცოტა გამიკვირდა ბექა გორგაძის რეზერვში დატოვება... ფრუიძეს თუარვცდები ტვინისშერყევა ქონდა და მაგიტომ ყავს რეზერვში და კიდე ერთი რეზერვში კვაჭი არ გვყავს თუმცა ჟვანიას შეუძლია 2 ნომერზე თამაში... ისე მელიტონას პროფესიონალიზმში ეჭვი არ მეპარება მართლაც უძლიერესი მწვრთნელია... კაია 2 ახალი მწვრთნელი რო დაგვემატა რიჩარდ გრემი და ბრედ ჰარისი. თბილისის ორივე თამაში მოსაგებია, თუმცა შოტლანდიაში უნდა შევძრად მიწა და ერთი სარაგბო რევოლუცია ჩვენც უნდა მოვახდინოთ... წარმატებები ბიჭებოოოოოოოოოოოოოოოოოოოოოოოოოოოოოოოოოოოო!!!!!!!!!!!!!!!!!!!!!!!!
მოდიან, მოდიან, მოდიან ჩვენი ლომკაცები!
სულმოუთქმელად ველოდებით ჯერ თქვენს ჩამოსვლას, მერე შეკრება-ვარჯიშებს და ბოლოს ....
რა თქმა უნდა ამ ყველაფრის გვირგვინი თამაშები და გამარჯვებები იქნება
წლის დაუმარცხებლად დასრულება მართლაც ფანტასტიური იქნება, მაგრამ ჯერ მაინც მთავარია თბილისური მატჩები მოვიგოთ
საინტერესოა ვინ უკაპიტნებს გუნდს
წარმატებები ნაკრებს. მსოფლიოს მერე ესეთი შემადგენლობაა არგვყოლია. მოგების და წარმატების მოლოდინში ვარ და დიდი სანახაობის
მთავარია იაპონიას და სამოას მოვუგოთ, მერე რაც იქნება იქნება. წარმატებები ყველფერში ჩვენს ბიჭებს!
დარწმუნებული ვარ თუ მაგ ორს მოვუგვარებთ მერე მეტიც მოგვინდება
აუცილებლად
მიდით ლომებო. თამაში თქველი გულშემატკივრობა ჩვენი.
2 ახალი მწვრთნელი რომ დაგვემატა ნუ დაწერთ, არაა საჭირო.
0?'>http://site.rugby.ge/ka-GE/news-view/?newsid=5710&callerModID=17364&Title=%E1%83%9C%E1%83%9D%E1%83%94%E1%83%9B%E1%83%91%E1%83%A0%E1%83%98%E1%83%A1%20%E1%83%A2%E1%83%94%E1%83%A1%E1%83%A2%E1%83%94%E1%83%91%E1%83%98%20|%20%E1%83%90%E1%83%AE%E1%83%90%E1%83%9A%E1%83%98%20%E1%83%9B%E1%83%AC%E1%83%95%E1%83%A0%E1%83%97%E1%83%9C%E1%83%94%E1%83%9A%E1%83%94%E1%83%91%E1%83%98%E1%83%A1%20%E1%83%AC%E1%83%90%E1%83%A0%E1%83%93%E1%83%92%E1%83%94%E1%83%9C%E1%83%90':'>http://site.rugby.ge/ka-GE/news-view/?newsid=5710&callerModID=17364&Title=%E1%83%9C%E1%83%9D%E1%83%94%E1%83%9B%E1%83%91%E1%83%A0%E1%83%98%E1%83%A1%20%E1%83%A2%E1%83%94%E1%83%A1%E1%83%A2%E1%83%94%E1%83%91%E1%83%98%20|%20%E1%83%90%E1%83%AE%E1%83%90%E1%83%9A%E1%83%98%20%E1%83%9B%E1%83%AC%E1%83%95%E1%83%A0%E1%83%97%E1%83%9C%E1%83%94%E1%83%9A%E1%83%94%E1%83%91%E1%83%98%E1%83%A1%20%E1%83%AC%E1%83%90%E1%83%A0%E1%83%93%E1%83%92%E1%83%94%E1%83%9C%E1%83%90'))
ოოოოოოო, მოახლოვდა სარაგაბო ნოემბერი, ერთი სული მაქვს როდის მოვა შაბათი. მშვენიერი რაზმია და წარმატების ძალიან დიდი იმედი მაქვს. წარმატებები ჩვენს ბიჭებს.