მას შემდეგ, რაც „ოლ ბლექსმა“ „რაგბი ჩემპიონშიპი“ ქულათა მაქსიმუმით მოიგო და სამივე მეტოქეს ორ-ორჯერ სარეკორდო სხვაობებით სძლია, ეს გუნდი უკვე შერაცხეს პლანეტის დაუმარცხებელ ნაკრებად.

დიახ, მთავარ კითხვად სწორედ ეს რჩება - არის კი დღეს გუნდი, რომელიც ახალი ზელანდიის ნაკრების განუზომელ წინსვლას შეაჩერებს? და Worldrugbyvids-მა ის სიმბოლური XV შეარჩია, რომელსაც ამის გაკეთება ხელეწიფება.

სიმბოლურში რა თქმა უნდა თავისი კუთვნილი ადგილი დაიკავა საქართველოს ყველა დროის საუკეთესო მორაგბემ და ერთ-ერთმა საუკეთესო სპორტსმენმა მამუკა გორგოძემ. მისი წყალობით, ქართული რაგბი და საქართველო არაერთ ქვეყანაში გაიცნეს და წლებია პრაქტიკულად ყველა ვერსიის სიმბოლურ ნაკრებში ხვდება. ზელანდიელთა მძლეველ XV-ში მას 6 ნომრად მიუჩინეს ადგილი და რა თქმა უნდა შთამბეჭდავი დახასიათების თანხლებით:

„მოთამაშე, რომლისთვისაც სიტყვა „შიშის“ მნიშვნელობა უცნობია. მის უძლიერეს კონტაქტებს სასიცოცხლო მნიშვნელობა ექნება!“.

„შეუსრულებელი მისიის“ შესრულება, წყაროს ცნობით, აი ამ გუნდს შეუძლია:

1. ტენდაი მტავარირა: ამ გუნდს აუცილებლად სჭირდება „ცხოველი“;
2. მალკოლმ მარქსი: ახალგაზრდა სამხრეთაფრიკელი მასიურია, ზუსტია ბურთის დერეფანში აგდებისას და კარგად ასრულებს დავალებას უზარმაზარი წნეხის ქვეშ;
3. რამირო ჯერერა: არგენტინელი ბურჯი თამაშიდან თამაშამდე იზრდება და შერკინების ნამდვილ ოსტატად ყალიბდება;
4. მარო იტოჯე: შეუძლებელია 2015 წლის ევროპის საუკეთესო მორაგბე არ შეარჩიო, მისი დინამიკა წარმოუდგენელია!;
5. ებენ ეცებეთი: მბრძანებელი, მბრძანებელი და კიდევ ერთხელ მბრძანებელი. ებენი ყველა გუნდში უნდა იყოს არჩეული;
6. მამუკა გორგოძე: მოთამაშე, რომლისთვისაც სიტყვა „შიშის“ მნიშვნელობა უცნობია. მის უძლიერეს კონტაქტებს სასიცოცხლო მნიშვნელობა ექნება!;
7. დევიდ პოქოქი: „ოლ ბლექსი“ თამაშს ბურთის ფლობაზე აგებს, პოქოქი კი, ასეთ დროს იდეალურია;
8. სერხიო პარისე: ჩვენი აზრით, მრავალფუნქციური იტალიელი საუკეთესოა 8 ნომრის პოზიციაზე;
9. ბენ იანგსი: აარონ სმიტისა და პერენარას წინააღმდეგ, ამ როლში დიდი არჩევანი არ რჩება;
10. დენ ბიგარი: „ოლ ბლექსთან“ თამაშისას მნიშვნელოვანია, რომ ყველა ჯარიმა ქულებად იქცეს და ბიგარის ფეხჩუბინობა ამ კუთხით უმნიშვნელოვანესია;
11. ჯორჯ ნორთი: მას უბრალოდ სახლში ვერ დატოვებ;
12. მანუ ტუილაგი: დევისთან წყვილში ის მართლაც შესანიშნავ, მძლავრ შუა ხაზს შექმნის, რომელიც „ოლ ბლექსს“ აუცილებლად შეუქმნის პრობლემებს;
13. ჯონათან დევისი: ზევით წაიკითხეთ;
14. სანტიაგო კორდერო: უსწრაფესი მოთამაშე. „ოლ ბლექსის“ მსგავსი ორგანიზებული დაცვის წინააღმდეგ, აუცილებლად გჭირდებათ მორაგბე, რომელსაც საოცრებები შეუძლია;
15. იზრაელ ფოლი: ნამდვილი ფულბეკი. თავდაჯერებულობა მაღალ ბურთზე თამაშისას.

ზურა ქსოვრელი