საქართველოს ეროვნული ნაკრების კვაჭ შალვა მამუკაშვილის ტოპ 14-ში დებიუტი ერთი კვირის წინ ჰქონდა და შეცვლაზე 11 წუთი ითამაშა, ახლა კი სასტარტო შემადგენლობაშია.
საგულისხმოა, რომ მის გარდა სასტარტო შემადგენლობაში არიან ბურჯები - მიხეილ ნარიაშვილი და დუდუ ქუბრიაშვილი. ამრიგად, მე-8 ტურის მატჩს „კასტრის“ წინააღმდეგ „მონპელიე“ ქართული პირველი ხაზით იწყებს. შეგახსენებთ, რომ აქამდე მსგავსი შემთხვევა „ბრივის“ შემადგენლობაში დაფიქსირდა. მასპინძელთა თადარიგშია კიდევ ერთი ქართველი ბურჯი გაგი ბაზაძე, ხოლო მეორეხაზელ კოტე მიქაუტაძეს მწვრთნელებმა დასვენების საშუალება მისცეს. ეს თამაში 20:30 საათზე იწყება.
ტოპ 14-ში მეორედ ითამაშებს საქართველოს ნაკრებისა და „ბრივის“ 9 ნომერი ვასილ ლობჟანიძე. აქამდე მან შეცვლაზე 10 წუთი „გრენობლთან“ ითამაშა და ახლაც თადარიგშია. მისი, კარლენ ასიეშვილის, სოსო ბეკოშვილისა და გიორგი ცუცქირიძის „ბრივი“ სტუმრად „ბორდოს“ ეთამაშება. სტუმართა სასტარტო შემადგენლობაშია ასიეშვილი.
ყველაზე ადრე, 16:45 საათზე პარიზული დერბი იწყება, რომელშიც ჩემპიონი „რასინგი“ ზურაბ ჟვანიასა და გიორგი მელიქიძის „სტად ფრანსეს“ მასპინძლობს. ჟვანია თადარიგშია.
დავით ხინჩაგიშვილის „ბეიონი“ სტუმრად „გრენობლს“ ქართველი ბურჯის გარეშე შეხვდება.
დღის ბოლო მატჩი 22:45 საათზე იწყება და მასში ლექსო ყაულაშვილის „ლა როშელი“ მამუკა გორგოძის, ლევან ჩილაჩავასა და ბადრი ალხაზაშვილის „ტულონს“ მასპინძლობს. ორივე გუნდის განაცხადში მხოლოდ ერთი ქართველია და ისიც თადარიგში - ლევან ჩილაჩავა.
საფრანგეთი. ტოპ 14. VIII ტური
8 ოქტომბერი
რასინგი - სტად ფრანსე [16:45 საათი]
http://www.vipleague.tv/rugby/419578/1/racing-92vs-stade-francais-paris-live-stream-online.html
http://www.sportingvideo.org/20161007/vv57f6bcd9f224a2.32734651-1450266.html
მონპელიე - კასტრი [20:30 საათი]
http://www.sportingvideo.org/20161007/vv57f6bece8ef0a6.25601912-1450367.html
ბორდო - ბრივი [20:30 საათი]
http://www.vipleague.tv/rugby/419579/1/bordeaux-begles-vs-ca-brive-live-stream-online.html
http://www.sportingvideo.org/20161007/vv57f6beb09a2875.81871334-1450361.html
გრენობლი - ბეიონი [20:30 საათი]
http://www.vipleague.tv/rugby/419580/1/grenoble-fc-vs-aviron-bayonnais-live-stream-online.html
http://www.sportingvideo.org/20161007/vv57f6be98a616a9.94461232-1450356.html
ლა როშელი - ტულონი [22:45 საათი]
http://www.vipleague.tv/rugby/419582/1/la-rochelle-vs-rc-toulonnais-live-stream-online.html
ზურა ქსოვრელი
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
ლობჟანა საუცხოო იყო დღეს. აი მონპელიეს ქართული ხაზი კი მთლად ისეთი ვერ გამოდგა რასაც ველოდი. მამუკაშვილი პრაქტიკულად უშეცდომო იყო. ეგ ბიჭი აქ ცოდოა, უნდა დარჩეს სადმე მაღალი დონის ჩემპიონატში.
კარგია, მეტი ქართველი ძირითადში. ლობჟანიძე წელს რაც მეტჯერ ითამაშებს შეცვლაზე მით უკეთესი, მიიღოს გამოცდილება მაგარია. მოკლედ წარმატებები ყველას!
ცუდად აქვთ საქმე მონპელიეს მოწინააღმდეგეებს პირველ ხაზში
საღოლ ბიჭებო !