ფოთის სარაგბო სტადიონზე 9 აპრილს დასავლეთ საქართველოს რეგიონების ბავშვთა გუნდებს [2002-2003 წლებში დაბადებულები] შორის მასშტაბური ფესტივალი გაიმართა.

თარიღი სიმბოლურად შეირჩა და ფესტივალი 1989 წლის 9 აპრილს დაღაპულთა ხსოვნას მიეძღვნა. ყველას ახსოვს ის გმირობა, რომელიც იმ დღეს ქართველმა მორაგბეებმა ჩაიდინეს - რომ არა მორაგბეების თავდადება, რომლებმაც საბჭოთა ჯარს შიშველი ხელებით გაუწიეს წინააღმდეგობა, დრო მოიგეს და ქალებს და მოხუცებს იმ ადგილიდან გაცლის საშუალება მისცეს, მსხვერპლი ბევრად დიდი იქნებოდა.

ფესტივალში 30 გუნდის 500-მდე ბავშვმა მიიღო მონაწილეობა და მათ წუთიერი დუმილით და მერე თამაშით, პატივი მიაგეს დაღუპულთა ხსოვნას. ვეტერანმა მორაგბეებმა: ზურა ხარშილაძემ, სოსო დიაკონიძემ და დავით კილასონიამ, მოზარდებს მოუთხრეს იმ საშინელი დღის პერიპეტიები, როდესაც ქართველი მორაგბეების შემართებით ასეული ადამიანების სიცოცხლე გადარჩა.