საქართველოს მორაგბეთა ეროვნული ნაკრები, 2017 წლის ივნისში ტურნეზე სამხრეთ ამერიკაში გაემგზავრება და იქ ბრაზილიის, ურუგვაისა და არგენტინის ნაკრებების წინააღმდეგ ითამაშებს.

ასეთი ვარიანტის შესახებ, „ბორჯღალოსანთა“ თავკაცი მილტონ ჰეიგი საუბრობდა, ახლა კი, ურუგვაიმ ქართველების სტუმრობა დაადასტურა.

სამხრეთელები ნოემბრის ტესტებზე ევროპას ეწვევიან და გერმანიასთან, ესპანეთთან და რუმინეთთან ითამაშებენ, ხოლო ივნისში საქართველოს გარდა ინგლისსაც უნდა ეთამაშონ. შეგახსენებთ, რომ 2017 წელს ედი ჯონსს „ბრიტანელი და ირლანდიელი ლომების“ ტურნეს გამო წამყვანი მოთამაშეები დააკლდებიან.

შეგახსენებთ, რომ „ბორჯღალოსნებს“ ურუგვაისთან აქამდე 5-ჯერ უთამაშიათ და მეტოქეს 3-ჯერ სძლიეს, ხოლო ორჯერ მარცხი განიცადეს.

ზურა ქსოვრელი