საქართვლოს ეროვნული ნაკრების გარემარბი თამაზ მჭედლიძე, აგერ უკვე მეორე თამაშია მოედანს ულელოოდ არ ტოვებს.

23 წლის ქართველმა ერთი კვირის წინ „ბიარიცს“ ლელო საფინალო სასტვენამდე 2 წუთით ადრე დაუდო, თანაც ამ დროს მისი გუნდი 2-კაცნაკლული იყო მოედანზე, ხოლო დღეს ღამით, პრო დ2-ის მეხუთე ტურში „მონ დე მარსანი“ დაალელოვა.

კლუბში მჭედლიძე სტაბილურად გადაიყვანეს შუამარბის პოზიციაზე და მისი ამოცანაა ძალის გამოყენებით მეტოქის დაცვის ცენტრში გაგლეჯა. „მონ დე მარსანთან“ მან ტრადიციულად სრულად ითამაშა და ლელო 59-ე წუთზე დაამიწა. ამ დროს „აჟენი“ 6:21 აგებდა, დარტყმებით ეტაპობრივად მოიგო მანძილი, მათ შორის ერთხელ ქართველმაც დაარტყა, ლელოდან 5 მეტრში თაზომ მეორე შანსი მიიღო, ორი მცველი დაჯაბნა და ლელო დაამიწა. ეს გარდამტეხი აღმოჩნდა, სტუმრებმა სათამაშო უპირატესობა მოიპოვეს და 68-ე წუთზე მეორე ლელო დადეს. რადგან ორივე გარდასახვა ზუსტი იყო, 78-ე წუთზე რთული პოზიციიდან ჯარიმა კარში გაგზავნეს, დამრტყმელს მიზანმა არ უმტყუნა და „აჟენმა“ „მონ დე მარსანი“ სტუმრად 23:21 დაამარცხა.

ამრიგად, პირველ ტურში განცდილი მარცხის შემდეგ, პრო დ2-ის ყველაზე ქართულმა გუნდმა სამი შეხვედრა გამარჯვებით, ხოლო ერთი ფრედ დაასრულა და ლიდერთა შორისაა.

ზურა ქსოვრელი