ახალგაზრდა ქართველ ბურჯ გიორგი მარგველანს, საფრანგეთის მეორე ელიტარულ დივიზიონ პრო დ2-ში დღეს დებიუტი ექნება.

მისი, თამაზ მჭედლიძის, გიორგი თეთრაშვილისა და ვახტანგ ახობაძის „აჟენი“, თბილისის დროით 22:45 საათიდან ბექა გორგაძის „მონ დე მარსანს“ ეთამაშება. ამ შეხვედრით იხსნება საფრანგეთის მეორე ელიტარული დივიზიონის მეხუთე ტური და მოედანზე ოთხ ქართველს ვიხილავთ.

22 წლის ბურჯს „აჟენის“ პირველ გუნდში დებიუტი გასულ სეზონში ქონდა. მაშინ „აჟენი“ პირველ ელიტარულ დივიზიონ ტოპ 14-ში თამაშობდა, ხოლო მარგველანი მეორე დონის ევროტურნირის მატჩში, ჩელენჯ ქაფზე ათამაშეს. ის შეცვლაზე 19 წუთით შევიდა.

მარგველანი ამჯერადაც თადარიგშია, ხოლო სასტარტო შემადგენლობაში არიან კიდევ ერთი ბურჯი თეთრაშვილი და შუამარბი მჭედლიძე, რომელმაც გასულ ტურში ლელო დადო და სეზონის პირადი ანგარიში გახსნა. „მონ დე მარსანის“ განაცხადში თადარიგშია ახალგაზრდა მესამეხაზელი გორგაძე.

შეიძლება ითქვას, რომ ეს ტურის ერთ-ერთი ცენტრალური მატჩია. IV ტურის შემდეგ ორივე გუნდს 10-10 ქულა აქვს და მეექვსე-მეშვიდე ადგილებს იყოფენ. ამ თამაშის სთრიმის ხილვა შემდეგ მისამართზე უნდა იყოს შესაძლებელი:

http://www.vipleague.tv/rugby/418599/1/stade-montois-vs-agen-live-stream-online.html

http://www.sportingvideo.org/20160922/vv57e3635ec7f622.51263608-1434329.html

ზურა ქსოვრელი