ზე-18

0:03 | 21.09.2016 | ნანახია 3258 - ჯერ

ენდი მარინოსი: „სუპერ რაგბი“ ევროპის ხარჯზე გაფართოვდება“

„ტურნირის ევროპის ხარჯზე გაფართოება რეალობაა“ - ოფიციალურად დაადასტურა SANZAAR-ის თავკაცმა ენდი მარინოსმა, რომელიც „სუპერ რაგბის“ ორგანიზებაზეა პასუხისმგებელი.

რა თქმა უნდა, ის ჯერ ვერ აკონკრეტებს ვადებს, როდის მოხდება ეს, თუმცა კომერციული მოსაზრებებიდან გამომდინარე, ამას გარდაუვალ ფაქტად მიიჩნევს.

„ინგლისური და ფრანგული კლუბების ფინანსები სამხრეთ ნახევარსფეროს რაგბისათვის რეალურ საფრთხეს წარმოადგენს. ჩვენ უკვე ვხედავთ რა რაოდენობით ნიჭიერი მორაგბეები მიდიან ავსტრალიიდან და სამხრეთ აფრიკიდან ევროპაში. ეს ტენდენცია უნდა შევაჩეროთ. „სუპერ რაგბის“ განვითარებისთვის აუცილებელია, რომ გაიზარდოს არა მხოლოდ კომერციული მოგება, არამედ სპორტული მხარეც. ამისათვის ჩვენ ახალი ბაზრები გვჭირდება. ტურნირის ევროპის ხარჯზე გაფართოება რეალობაა. ეს მოგვცემს საშუალებას გავზარდოთ შემოსავლები, ხოლო „სუპერ რაგბის“ ფრანშიზები საუკეთესო მოთამაშეებს შეინარჩუნებენ. ჯერჯერობით საკითხი ადრეული განხილვის სტადიაზეა, თუმცა, შესაძლოა, უახლოეს პერიოდში ევროპული რაგბის კავშირებთან მოლაპარაკებებში ჩავერთოთ“ - ამბობს მარინოსი.

შეგახსენებთ, რომ ცოტა ხნის წინ „სუპერ რაგბიში“ ჩართვის სურვილი ესპანეთმა გამოთქვა.

ზურა ქსოვრელი


კომენტარები (3)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
22:39 | 21.09.2016
krasni (587)

გეოგრაფიულად ძნელია, მაგრამ ზრდისთვის გადასარევია.

12:22 | 21.09.2016
მებრძოლი ლაზი (124)

ანუ ფრანშიზების ჩემპიონატი?

12:18 | 21.09.2016
პანტელეიმონი (1218)

იქნებ ეს არის შანსი ქართული რაგბისთვის.

0.07908