კვირის დასაწყისში „მსოფლიო რაგბის“ ყოველკვირეული რეიტინგი ტრადიციულად განახლდა და მასში ერთი ცვლილებაა, რომელიც „რაგბი ჩემპიონშიპის“ მესამე ტურის მატჩების შედეგებმა განაპირობა.
ავსტრალიამ სამხრეთ აფრიკას უმასპინძლა და არა მხოლოდ ამ ტურნირში, არამედ 2016 წელს პირველი გამარჯვება იზეიმა. 3:14 ჩამორჩენის შემდეგ, „უოლაბებმა“ თამაშში გარდატეხის შეტანა შეძლეს და 23:17 იმარჯვეს, რითაც 0,79 სარეიტინგო ქულაც მიიღეს. ამდენივე დაკარგა „ბოკემ“ და გუნდებმა ადგილები გაცვალეს - ავსტრალია მესამეა, ხოლო სამხრეთ აფრიკა მეოთხე.
ჰამილტონში არგენტინა ახალ ზელანდიას მთელი 50 წუთი გმირულად ეომა და მხოლოდ 22:24 აგებდა, მაგრამ მერე „ოლ ბლექსმა“ ფრთები გაშალა და მეტოქე 57:22 გაანადგურა. მიუხედავად ამისა, ზელანდიელებმა სარეიტინგო მონაგარს ვერაფერი შემატეს და არც არგენტინას დაუკარგავს რამე.
მომავალ შაბათს „ოლ ბლექსი“ კრაისტჩერჩში სამხრეთ აფრიკას მასპინძლობს და გამარჯვების შემთხვევაში ვადაზე ორი ტურით ადრე გახდება 4 ერის გამარჯვებული. იმავე დღეს ავსტრალია არგენტინას პერთში მიიღებს.
მსოფლიო რაგბის რეიტინგი. 12 სექტემბრისთვის
1 (1). ახალი ზელანდია 96,30
2 (2). ინგლისი 89,49
3 (4). ავსტრალია 85,02
4 (3). სამხრეთ აფრიკა 84,30
5 (5). უელსი 82,49
6 (6). ირლანდია 81,67
7 (7). არგენტინა 81,44
8 (8). საფრანგეთი 80,75
9 (9). შოტლანდია 80,44
10 (10). ფიჯი 75,49
11 (11). საქართველო 75,23
12 (12). იაპონია 74,95
13 (13). იტალია 72,23
14 (14). სამოა 71,37
15 (15). ტონგა 69,47
16 (16). რუმინეთი 68,74
17 (17). აშშ 65,60
18 (18). კანადა 64,53
19 (19). ურუგვაი 63,56
20 (20). ნამიბია 62,78
21 (21). რუსეთი 61,91
22 (22). კენია 59,28
23 (23). ესპანეთი 58,79
24 (24). ბელგია 57,94
25 (25). ჰონკონგი 57,84
26 (26). გერმანია 57,71
27 (27). უკრაინა 56,95
28 (28). ჩილე 55,73
29 (29). კორეა 54,85
30 (30). პორტუგალია 54,29
...
ზურა ქსოვრელი
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
ერთ ნაბიჯზე ვართ ათეულთან ! ! !