ტურნირები

14:10 | 12.09.2016 | ნანახია 1957 - ჯერ

Red Bull Lelos ტურნირი Children-მა მოიგო

10 სექტემბერს ყვარელში, ყვარლის ციხის ტერიტორიაზე Red Bull Lelos - სამოყვარულო რაგბის ჩემპიონატის საქართველოს ფინალი გაიმართა. მონაწილეობა 16 გუნდმა მიიღო. გამარჯვებული გახდა გუნდი „Children“, რომელმაც ფინალურ რაუნდში „ელიტა“ ანგარიშით 27:5 დაამარცხა. გამარჯვებულ გუნდს თასი და 3000 ლარის ოდენობის ფულადი პრიზი გადაეცა.

ფინალისტი გუნდები რეგიონალური ეტაპების შედეგად შეირჩა, რომლებიც 3 სექტემბერს ქუთაისში (დასავლეთ საქართველოს ეტაპი) და 4 სექტემბერს თბილისში (აღმოსავლეთ საქართველოს ეტაპი) გაიმართა. ქუთაისის შესარჩევი ეტაპიდან ფინალში 4 გუნდი, თბილისიდან კი 10 გუნდი გადავიდა. დანარჩენი 2 გუნდი ფინალში wild card-ის მეშვეობით მოხვდა: ქალ მორაგბეთა ნაკრები „გენდერი“ და ყვარლის სარაგბო გუნდი.

შეჯიბრი იმით გამოირჩევა, რომ მასში რაგბის სხვადასხვა სახეობებია გაერთიანებული: თითო გუნდში 5 მოთამაშეა, მათ შორის უმაღლესი ლიგის 1 მოთამაშე; თამაშის ხანგძლივობაა 10 წუთი (5 წუთიანი 2 ტაიმი); შეჯიბრი მიმდინარეობს ოლიმპიური სისტემით.

Red Bull Lelos პირველად 2015 წელს ჩატარდა. პროექტის მიზანია გახდეს ყველაზე პრესტიჟული ყოველწლიური სამოყვარულო ტურნირი საქართველოში.

Red Bull Lelos-ს წელს განსაკუთრებული სტუმრებიც ჰყავდა. ყვარელში შეჯიბრის საყურებლად და სატესტო თამაშის ჩასატარებლად დასავლეთ საქართველოს ლელო ბურთის ორი ნაკრები გუნდი ჩამოვიდა.

ფინალური თამაშების შედეგები

მეოთხედფინალები

საქართველოს უნივერსიტეტი - ელიტა 10:12

აკადემია - Suicide squad 23:0

თაღლითები - Children 6:18

მიიღე-გაუშვი - Warriors 27:15

ნახევარფინალები:

ელიტა - აკადემია 6:5

Children - მიიღე გაუშვი 18:5

ფინალი:

Children - ელიტა 27:5

შეჯიბრში მონაწილეობის წესები:

- სტადიონის ზომაა 35x35

- თამაშის ხანგრძლივობაა 10 წუთი (5 წუთიანი 2 ტაიმი); შესვენება - 1 წუთი ტაიმებს შორის

- გუნდში დასაშვებია მხოლოდ ერთი უმაღლესი ლიგის მოთამაშე

- ფრეს შემთხვევაში მოქმედებს "Golden Try"-ს პრინციპი. თამაშის დროის ამოწურვის შემდეგ ორივე გუნდს წუთში ერთხელ აკლდება თითო მოთამაშე

- შეჯიბრი მიმდინარეობს ოლიმპიური სისტემით, წაგებული გუნდი ტოვებს შეჯიბრს

- მოლი და რაქი არ არის დაშვებული

- დაშვებულია 3 შეხება მოწინააღმდეგე გუნდის მოთამაშეებთან

- ხელით შეხება დაშვებულია მხოლოდ წელს ზევით

- შეხების შემთხვევაში დაცვა ბრუდნება 2 მეტრით უკან

- ოფსაიდის შემთხვევაში შემტევ გუნდს ეძლევა ერთი დამატებითი შეტევის უფლება

- ბურთის დავარდნის შემთხვევაში ბურთი გადაეცემა მოწინააღმდეგე გუნდს

- გუნდს ეძლევა დამატებითი ქულა ლელოს ცენტრში დადების და ფეხით გადაკიდების შემთხვევაში - თუ დაიდება ლელო ისე, რომ ბურთი ძირს არ დავარდეს

- ლელო - 5 ქულა, ბონუს ქულა -2


კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
0.080778