ქართველი ლეგიონერებით - მიხეილ არჩუაშვილითა და ლევან გენებაშვილით გაძლიერებულმა ბუქარესტის „სტიაუამ“, რუმინეთის სუპერ-ლიგის პირველ წრეში გამართული ექვსი თამაშიდან ხუთი მოიგო, „ტიმიშოარა-სარასენსთან“ მცირედით დამარცხდა და სატურნირო ცხრილის თავში დამკვიდრდა.

მე-6 ტურში „სტიაუამ“ ბუქარესტულ დერბიში „ოლიმპია“ 28:19 დაამარცხა. კვაჭი გენებაშვილი და მეორეხაზელი არჩუაშვილი ტრადიციულად სასტარტო შემადგენლობაში იყვნენ. ახლა მათ გუნდს 24 ქულა აქვს და 5 ქულით უსწრებს უახლოეს მდევარ „ბაია მარეს“, რომელიც პირველ წრეს 10 სექტემბერს „პოლიტეჰნიკასთან“ მატჩით ასრულებს.

17 ქულით მესამეა ბიძინა სამხარაძისა და იური ნატრიაშვილის „ბაია მარე“, რომელმაც გასულ ტურში „უნივერსიტატეას“ 34:10 სძლია. სამხარაძემ შეცვლაზე ითამაშა. „ბაია მარე“ პირველი წრის დასკვნით მატჩს 11 სექტემბერს ბუქარესტში, „დინამოსთან“ გამართავს.

ამის შემდეგ სუპერ-ლიგაში შესვენებაა, ჯერ რუმინეთის „სამეფო თასი“ გათამაშდება, რომელიც პლეი ოფის სისტემით ტარდება და მერე მეორე წრე დაიწყება.

ზურა ქსოვრელი