ახალი ზელანდიის რაგბის კავშირის ყოფილი თავკაცი დევიდ მოფეტი თვლის, რომ SANZAAR-ი ვალდებულია „სუპერ რაგბიში“ მონაწილე გუნდების რაოდენობა შეამციროს.

„ვიცი, რომ „სუპერ რაგბის“ მომავალთან დაკავშირებით ჩემი შეხედულებები ახალ ზელანდიაში გაზიარებული არ იქნება, მაგრამ საუბარია სამხრეთ ნახევარსფეროში რაგბის მომავალზე. თუ SANZAAR-ი გუნდების რაოდენობას არ შეამცირებს, „სუპერ რაგბი“ ხუთ წელიწადში მოკვდება. ტურნირის ხელმძღვანელობას სხვა არჩევანი არა აქვს. მან გამოსცადა ტურნირის საზღვრების გაფართოება და უკვე ცხადია, რომ მან არ გაამართლა. SANZAAR-ის პრობლემა ისაა, რომ ის რაგბის განვითარებაზე ფიქრობს, რაც მისი საქმე არაა. წესით, მათი მთავარი ამოცანა შინაური საქმეების მიხედვა უნდა იყოს. ამ რაოდენობის ფრანშიზებისთვის საკმარისი ნიჭიერი მორაგბეები არ არიან“ - ამბობს მოფეტი, რომელიც მიიჩნევს, რომ აუცილებელია ტურნირი უწინდებურად 12 გუნდამდე შემცირდეს.

ზურა ქსოვრელი