რაგბი სულ რაღაც 20 წელიწადია რაც პროფესიულ რელსებზე გადავიდა და მისი პოპულარობა მთელი პლანეტის მასშტაბით დღითიდღე იზრდება. სპორტის ამ სახეობაში ჩართული მოთამაშეებისა და გულშემატკივრების რაოდენობის ზრდის პარალელურად, გაირკვა, რომ რაგბი ფეხბურთს უკვე ფინანსური მოგებით სჯაბნის.

ყოველ შემთხვევაში ფაქტია, რომ ინგლისმა და „მსოფლიო რაგბიმ“, შარშან ჩატარებული მსოფლიო თასის შემოსავლებით ბევრად აჯობა საფრანგეთს და უეფას. საფეხბურთო ევროპის ჩემპიონატი გუშინ დასრულდა, სპეციალისტებმა დაითვალეს და გაირკვა, რომ ტურნირის შემოსავალმა 1,93 მილიარდი ევრო შეადგინა. ამავდროულად, ევროპის ჩემპიონატის ორგანიზება 1,1 მილიარდი ევრო დაჯდა, ანუ საფრანგეთმა და უეფამ სუფთა მოგების სახით 830 მილიონი მიიღო.

შეგახსენებთ, საერთაშორისო რაგბის კავშირის დათვლით, შარშანდელი მსოფლიო თასის შემდეგ „მსოფლიო რაგბისა“ და ინგლისის სუფთა მოგებამ 2,7 მილიარდი გირვანქა სტერლინგი შეადგინა, რაც დაახლოებით 3,2 მილიარდი ევროა. ეს თითქმის 4-ჯერ მეტია, ვიდრე საფრანგეთში გამართული ევროპის ჩემპიონატის შემოსავალი.

ზურა ქსოვრელი