დღეს უფროს და უმცროს ბორჯღალოსნებს საქართველოს სპორტისა და ახალგაზრდობის მინისტრმა ტარიელ ხეჩიკაშვილმა და მისმა მოადგილემ შალვა გოგოლაძემ სპორტის ახალ სასახლეში უმასპინძლეს. მინისტრმა 20 წლამდელებს ახალგაზრდულ მსოფლიო ჩემპიონატზე დებიუტი და მე-10 ადგილი, ხოლო ეროვნულ ნაკრებს ოკეანეთის ისტორიული ტურნეს გამართვა მიულოცა, რომელშიც ბორჯღალოსნებმა სამოასთან 19:19 დაზავდნენ, ტონგას 23:20 და ფიჯის 14:3 სძლიეს.

დღევანდელ შეხვედრაზე ტარიელ ხეჩიკაშვილმა ქართული რაგბის ბოლო დროინდელი წარმატებების, ბორჯღალოსნების წაუგებელი 9 ტესტიანი სერიის და მსოფლიო რეტინგში აქამდე უპრეცენდენტო მე-11 ადგილის აღსანიშნავად, ბორჯღალოსნების თავკაცს მილტონ ჰეიგსინისტრმა საქართველოს სპორტის რაინდის წოდება მიანიჭა.

დღევანდელ მიღებაზე ასევე აღინიშნა საქველმოქმედო ფონდ ქართუსა და საქართველოს მთავრობის საქართველოში რაგბის განვითარების მხარდაჭერა და თანადგომა. ქართუს დაფინანსებით საქართველოში აშენდა სარაგბო ბაზები და სტადიონები

1. თბილისში აშენდა სარაგბო ბაზა ლელო არენა - 5,640 000 ლარი

2. ფოთში აშენდა სარაგბო ბაზა პარკი არენა 7,380 000 ლარი

3. ქუთაისში აშენდა სარაგბო ბაზა აია არენა 11, 460 000 ლარი, მიმდინარეობს სასტუმროს მშენებლობა 3,800 000 ლარი; აშენდება რაგბის აკადემია 3, 800 000 ლარი

4. თბილისში აშენდა შევარდენის სანაკრებო ბაზა 7, 433 000 ლარი

5. მოეწყო ავჭალის სარაგბო სტადიონი 5, 521 000 ლარი

6. ვარკეთილის სარაგბო სკოლაში (შუამთის ქუჩა) მოეწყო ხელოვნურსაფარიანი მოედანი 400 000 ლარი

7. აშენდა რუსთავის სარაგბო სტადიონი 7, 578 000 ლარი

8. აშენდა მარტყოფის სარაგბო ბაზა 3,452 000 ლარი, მიმდინარეობს სასტუმროს მშენებლობა 750 000 ლარი

9. თბილისში, ნუცუბიძის პლატოზე დაიწყო სარაგბო ბაზის მშენებლობა 4,300 000 ლარი

10. დასასრულს უახლოვდება გორის სარაგბო ბაზის მშენებლობა 5, 900 000 ლარი

11. მომავალ წელს დასრულდება ბათუმის სარაგბო ბაზა 7, 700 000 ლარი

12. თელავში დაიწყო ორმოედნიანი კომპლექსის მშენებლობა 5,500 000 ლარი

13. ასპინძის სარაგბო ბაზა -3,240 000 ლ

სულ 16 ობიექტი - სასტუმროების, ბაზების და სტადიონების ჩათვლით

საქართველოს რაგბის კავშირი