დიდი 10

16:26 | 22.06.2016 | ნანახია 3311 - ჯერ

„დიდი 10“ 3 სექტემბერს იწყება

საქართველოს მორაგბეთა ეროვნული ჩემპიონატის უმაღლესი ლიგის, „დიდი 10“-ის 2016/2017 წლების გათამაშება 3 სექტემბერს დაიწყება და პირველი ტურის თამაშები 3-4 სექტემბერს გაიმართება.

„დიდი 10“-ის მომავალ გათამაშებაში ხუთი თბილისური კლუბი - „ლელო-სარასენსი“, „ლოკომოტივი“, „აკადემია“, „არმია“ და „არმაზი“; ორი ქუთაისის - „აია“ და პირველი ლიგიდან წელს დაწინაურებული „ბაგრატი“; ასევე გორის „ჯიქი“, ბოლნისის „ყოჩები“ და ბათუმის „ბათუმი“ ითამაშებს.

პირველ ტურში ჩემპიონ „ლელო-სარასენსს“ ქუთაისში, „ბაგრატთან“ უწევს სტუმრობა. ქუთაისშივე „აია“ „ბათუმს“ დაუხვდება, ხოლო თბილისში სამი თამაში გაიმართება - „არმაზი“-„ლოკომოტივი“, „არმია“-„ჯიქი“ და „აკადემია“-„ყოჩები“.

მანამდე, გუნდებს 7-კაცა რაგბიში საქართველოს ჩემპიონატის პირველი ეტაპი ელით, რომელსაც აგვისტოში კახეთი უმასპინძლებს. ოთხი ტურის მიჯრით ჩატარების შემდეგ, 1-2 ოქტომბერს 7-კაცა რაგბის მეორე ეტაპია ქუთაისში და შემდეგ უქმეებზე კვლავ „დიდი 10“ განახლდება. მომდევნო 4 ტურის შემდეგ 5-6 ნოემბერს 7-კაცა რაგბის მესამე, დასკვნითი ეტაპია, ხოლო „დიდი 10“-ის პირველი წრე 26-27 ნოემბერს დასრულდება.

2017 წლამდე გუნდები მეორე წრის ორ ტურს მოილევენ, რის შემდეგაც საახალწლო არდადეგებზე გავლენ.

ზურა ქსოვრელი


კომენტარები (6)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
22:12 | 22.06.2016
LELO_2019 (27)

მე დებიუტანტნს ვგულშემატკივრობ

20:17 | 22.06.2016
tengocie (60)

ასევე მზარდი საქართველოსთვისაა დასაგეგმი თამაშები. მე მგონი რაც სახელი გადაარქვეს საერთოდ არ უთამაშიათ. არც მანამდე ქონდათ ბევრი თამაში

20:14 | 22.06.2016
tengocie (60)

აუცილებლად გვინდა გუნდი ევროთასებზე

19:14 | 22.06.2016
tamasho (88)

თუ არადა კიდევაც შეგვეხვერწებიან

19:13 | 22.06.2016
tamasho (88)

რავიცი რუსულ საიტზე წავიკითხე თბილისში გაიმართებაო რაგბი ევროპის გენერალური ასამბლეაო23 25 ივნისსო
რამენაირად უნდა ვაიძულოთ -ა- ნაკრებით გვათამაშონ თუ უნდათ თუ არადა

16:39 | 22.06.2016
BEERTRANCE (1073)

იმედია გაისად მაინც მოხდება კლუბის ევროთასებზე გაშვება.

0.081709