ოლიმპიადა

15:14 | 24.05.2016 | ნანახია 2682 - ჯერ

7-კაცას ოლიმპიადის საკვალიფიკაციო ეტაპის კენჭისყრა

92-წლიანი შესვენების შემდეგ, რაგბი ზაფხულის ოლიმპიადის პროგრამას წელს რიოში დაუბრუნდება, ოღონდ მისი გამარტივებული, 7-კაცას ფორმით.

ბრაზილიაში ოქროს მედლებისთვის 12 გუნდი იბრძოლებს და მათგან 11 უკვე ცნობილია - ბრაზილია, როგორც მასპინძელი; ფიჯი, დიდი ბრიტანეთი, ახალი ზელანდია და სამხრეთ აფრიკა შარშანდელი მსოფლიო სერიის შედეგების მიხედვით; არგენტინა, აშშ, საფრანგეთი, იაპონია, ავსტრალია და კენია, როგორც რეგიონალური შესარჩევი ეტაპის გამარჯვებულები.

მე-12 მონაწილე 18-19 ივნისს, მონაკოში გასამართ ფინალურ შესარჩევ ტურნირში გაირკვევა. 23 მაისს მონაკოში გაიმართა კენჭისყრა, რომელმაც შესარჩევ ტურნირში გასული 16 გუნდი დააწყვილა და ისინი ასე გამოიყურება:

A ჯგუფი: სამოა, ზიმბაბვე, ტონგა, ირლანდია;

B ჯგუფი: კანადა, გერმანია, ურუგვაი, შრილანკა;

C ჯგუფი: რუსეთი, ჩილე, მაროკო, ტუნისი;

D ჯგუფი: ჰონკონგი, ესპანეთი, მექსიკა, სამხრეთ კორეა.

ოლიმპიადა მხოლოდ კაცების საქმე არაა და 7-კაცა რაგბის რიოში გოგონებიც ითამაშებენ. ბრაზილიაში თამაში დაბევებული აქვთ მასპინძელ ბრაზილიას; მსოფლიო სერიის ოთხ მოწინავეს - ავსტრალია, კანადა, დიდი ბრიტანეთი და ახალი ზელანდია; ასევე რეგიონალური შესარჩევი ეტაპის გამარჯვებულებს კოლუმბიას, აშშ-ს, საფრანგეთს, კენიას, ფიჯის და იაპონიას.

ქალთა დასკვნითი შესარჩევი ტურნირი, სადაც ოლიმპიადის მე-12 მონაწილე უნდა გაირკვეს, დუბლინში 25-26 ივნისს გაიმართება. გუნდები ასე დაწყვილდნენ:

A ჯგუფი: რუსეთი, სამოა, ზიმბაბვე, მადაგასკარი;

B ჯგუფი: ესპანეთი, მექსიკა, ვენესუელა, ტუნისი;

C ჯგუფი: ირლანდია, ჩინეთი, პორტუგალია, ტრინიდადი და ტობაგო;

D ჯგუფი: ჰონკონგი, არგენტინა, ყაზახეთი, კუკის კუნძულები.

ზურა ქსოვრელი


კომენტარები (1)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
17:47 | 24.05.2016
zangura (107)

სირცხვილია სირცხვილიიი..

7 კაცაში როგორი ქვეყნები გვისწრებეენ. დავიჯერო შრი ლანკას, სამხრეთ კორეას და ტუნისს ჩვენზე მაგარი უკანა ხაზი ყავთ?

რაგბის კავშირს - - მეტი ყურადღება დაუთმოს ამ მიმართულებას !!!

0.107707