უელსის ნაკრების მოთამაშეების ტრავმიანობა კვლავ გრძელდება. ამჯერად იძულებითი დასვენება „დრაკონებისა“ და „ოსპრეიზის“ მესამეხაზელ ჯასტინ ტიპურიკს მოუწევს - მან იტალიის ნაკრების წინააღმდეგ გამართულ მატჩში თავის ტრავმა მიიღო.
„თავის ტრავმასთან ხუმრობა არ შეიძლება. ძნელია თქვა როდის გამოჯანმრთელდება ჯასტინი, ჩვენ ახლა მხოლოდ ლოდინი შეგვიძლია. იგი სეზონის დასრულებამდე ვერ მოახერხებს ჩვენს დახმარებას. სავარაუდოდ, ჯასტინი ზაფხულის ტესტებისთვის მზად იქნება და ნაკრებს დაეხმარება“ - აცხადებს „ოსპრეიზის“ სამწვრთნელო შტაბის წარმომადგენელი გრაფ რისი.
26 წლის ტიპურიკის გარდა უელსის ნაკრებს კიდევ ორი წამყვანი მორაგბე ჰყავს ტრავმირებული - ლიამ უილიამსი და ალექს კატბერტი.
უჩა გოგიძე
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია