ავსტრალიის ნაკრებისა და „ვარატასის“ ხაზის მოთამაშის, ქერთლი ბილის ოპერაციამ წარმატებით ჩაიარა. 27 წლის ბილს მუხლზე ოპერაცია მას შემდეგ დასჭირდა, რაც შაბათს „ბულსთან“ გამართული მატჩისას მძიმედ დაშავდა.

რამდენიმე დღის წინ ბილმა კონტრაქტი ინგლისურ „უოსპსთან“ გააფორმა. როგორც ჩანს, მას ახალ გუნდთან შეერთება დათქმულ ვადაზე გვიან მოუწევს, რადგან ექიმების ვარაუდით, უნივრსალ მოთამაშეს ტრავმის გამო ექვს თვემდე გაუცდება.

„პროცედურებმა კარგად ჩაიარა. მომდევნო ექვსი კვირის განმავლობაში მორაგბეს მუხლის ფიქსატორის ტარება მოუწევს. დაზიანება იზოლირებული იყო და ფეხის სხვა ნაწილებთან არ ყოფილა შეხება“ - აცხადებენ „ვარატასში“.

ქერთლი ბილის ავსტრალიის ნაკრებში შვიდი წლის მანძილზე 60 კეპი აქვს მოხვეჭილი, იგი 2011 წელს თავისი ქვეყნის საუკეთესო მორაგბედ აღიარეს.

უჩა გოგიძე