„ტულუზის“ ქართველი ბურჯი ვასილ კაკოვინი ფრანგულმა ინტერნეტგვერდმა Rugbyrama-მ ტოპ 14-ის 22-ე ტურის სიმბოლურ ნაკრებში შეიყვანა.

ტულუზელები „ტულონს“ ეწვივნენ და 12:10 დაამარცხეს, რაც დიდწილად სწორედ შერკინების, მათი პირველი ხაზის განსაკუთრებით ძლიერი თამაშის შედეგია. შედეგად, სიმბოლურში სტუმართა ორივე ბურჯი მოხვდა. „ტულონს“ სიტუაციის გამოსასწორებლად 27-ე წუთზე ორივე ბურჯის შეცვლა მოუწია, მაგრამ ის დღე კაკოვინის და მისი თანაგუნდელის იყო.

ქართველმა მოედანზე 60 წუთი გაატარა და უმეტესად შავი სამუშაოს შესრულება უწევდა.

ზურა ქსოვრელი