უმცროსმა ბორჯღალოსნებმა დასკვნითი შეკრების, 20-წლამდელთა მსოფლიო ჩემპიონატისთვის მზადების მეორე კვირაც დაასრულეს. 30 მაისს ტურნირზე გამგზავრებამდე ნაკრები კიდევ 4 კვირას ივარჯიშებს, შუალედში კი ერთ კვირას დაისვენებს.

წინა კვირას გიამბეთ იმ ფიზ-მომზადების პროგრამის შესახებ, რომელიც 20-წლამდელთა სამწვრთნელო შტაბმა ‘უფროს’ ბორჯღალოსანთა წინა სამსოფლიო მზადებასთან მიმსგავსებით დაგეგმეს, რისთვისაც მათ ეროვნული ნაკრების მაწრთობი ირაკლი ჭყონიაეხმარებათ.

შეგახსენებთ, რომ მსოფლიო რაგბის 20-წლამდელთა ჩემპიონატი 7-25 ივნისს მანჩესტერში გაიმართება, რომელშიც ქართული რაგბის ისტორიაში პირველად, მსოფლიოს 12 ელიტარულ ახალგაზრდულ ნაკრებს შორის ჩვენი 20-წლამდელებიც იასპარეზებენ.

ჯგუფური ეტაპის მატჩების განრიგი:

7 ივნისი - ახ. ზელანდია - საქართველო;

11 ივნისი - უელსი - საქართველო;

15 ივნისი - ირლანდია - საქართველო;

20-წლამდელთა დღიურები, ეპიზოდი 2

წინა კვირას შემოგთავაზეთ უმცროს ბორჯღალოსანთა მსოფლიოსთვის მზადების დღიურების პირველი ეპიზოდი. ტრადიციას ვაგრძელებთ და დღეს გთავაზობთ დღიურების მეორე ეპიზოდს. შეგახსენებთ, რომ ყოველ ახალ ეპიზოდს შეძლებისდაგვარად კვირაში ერთხელ ჩვენს ვებ-გვერდზეფეისბუქზე და თვითერზე შემოგთავაზებთ.

დღიურების მეორე ეპიზოდში:

კომენტარებით ლადო კილასონია და ზურა ამონაშვილი შეკრების მეორე კვირის შესახებ

rugby.ge