სამხრეთ აფრიკულმა „შარქსმა“ 4-მატჩიანი წარუმატებელი სერია [1 ფრე და 3 მარცხი] დანედინში შეწყვირა და სუპერ რაგბის ჩემპიონი „ჰაილენდერსი“ მისსავე მოედანზე მინიმალური სხვაობით, 15:14 დაამარცხა.

ასეთი შედეგი რამდენიმე ფაქტორმა განაპირობა. შეხვედრის მე-12 წუთზე მასპინძელთა შუამარბმა ჯეისონ ემერიმ სტუმართა ფულბეკი ვილი ლე რუ ჰაერში შებოჭა და წითელი ბარათით დაისაჯა. ბოჭვა მართლაც სახიფათო იყო და აფრიკელს გაუმართლა, სიცოცხლისთვის საშიში დაზიანება რომ არ მიიღო. „ჰაილენდერსი“ მოედანზე კაცნაკლული დარჩა, მაგრამ მაინც ფლობდა სათამაშო და ტერიტორიულ უპირატესობას.

შეხვედრის ერთადერთი ლელოც სწორედ მათ, 58-ე წუთზე გაიტანეს და 14:12 დაწინაურდნენ, მაგრამ... მათმა მგეზავმა ლიმა სოპოაგამ სამი ჯარიმა და ერთი გარდასახვა გააცუდა, ხოლო 79-ე წუთზე არეკნი ვერ გაიტანა. სამაგიეროდ, გართ ეპრილი ურტყამდა უშეცდომოდ, ხუთი ჯარიმიდან 100%-იანი შედეგი აჩვენა და საკუთარ გუნდს უმნიშვნელოვანესი გამარჯვება მოუტანა.

ზურა ქსოვრელი