ტურნირები

15:48 | 22.04.2016 | ნანახია 2531 - ჯერ

ქართული 7-კაცა ჩემპიონთა თასისთვის იბრძოლებს

ამა წლის 28-29 მაისს რუსეთში, კერძოდ სანქტ-პეტერბურგში 7-კაცა რაგბიში ევროპის ჩემპიონთა თასი გაიმართება.

ტურნირის ორგანიზატორებმა იმ ქვეყნების სია განაცხადეს, რომელთა ჩემპიონებმაც ტურნირში უნდა მიიღონ მონაწილეობა და მათ შორის საქართველოცაა მოხსენიებული.

საქართველოში 7-კაცა ჩემპიონატის ჩატარების იდეა არსებობს, მაგრამ ჯერჯერობით უცნობია ჩატარდება თუ არა და შესაბამისად, უცნობია ჩატარების ვადებიც. ფაქტი ისაა, რომ ბოლო წლებში მსგავსი ჩემპიონატი არ ჩატარებულა.

რაც შეეხება 7-კაცა რაგბის ევროპის ჩემპიონთა თასს, მასში მონაწილეობა 12-მა გუნდმა უნდა მიიღოს. უკვე ცნობილია, რომ რუსეთი ორ გუნდით იქნება წარდგენილი - სანქტ-პეტერბურგის ნაკრები და კრასნოდარის „ყუბანი“. მათი და საქართველოს გარდა ტურნირში უნდა ითამაშონ ესპანეთის, შვეიცარიის, შვედეთის, ხორვატიის, პოლონეთის, ლატვიის, ლიტვის, ესტონეთის და ბელარუსის გუნდებმა.

შარშანდელ გათამაშებაში 8 გუნდმა მიიღო მონაწილეობა და აქედან ოთხი რუსეთის კლუბი იყო.

ზურა ქსოვრელი


კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
0.089611