ძალიან დიდი ხანი გავიდა მას შემდეგ, რაც ქუთაისის „აია“ რუსულ კლუბს ეთამაშა და 21 აპრილს ამის საშუალება ექნება, თანაც საკუთარი გულშემატკივრის წინაშე.

საქართველოში წინასასეზონო შეკრებაზე მყოფი რუსეთის ჩემპიონი და თასის მფლობელი „კრასნი იარი“, ქუთაისში თამაშის დღეს, დილით ადრე გაემგზავრება. ჯერჯერობით დასაზუსტებელია დაწყების ზუსტი დრო.

შეგახსენებთ, რომ ციმბირელებმა პირველ საკონტროლი მატჩში თბილისის „აკადემია“ რუსთავში 26:5 დაამარცხეს. მეორე დღეს „აია“ საქართველოს ჩემპიონატის პლეი ოფში „ჯიქთან“ 14:25 დამარცხდა, ჩემპიონობისთვის ბრძოლას გამოეთიშა და რუსებთან თამაშს დათანხმდა.

ზურა ქსოვრელი