ჰეიგმა გერმანიასთან მატჩისთვის "ბორჯღალოსანთა" შემადგენლობა დაასახელა

ამბები

17:02 | 4.02.2016 | ნანახია 3456 - ჯერ

შაბათს 2016 წლის სანაკრებო სეზონი იწყება - 6 თებერვალს, 14 საათზე ბორჯღალოსნები ‘რაგბი ევროპის’ ჩემპიონატის მორიგ სეზონში გერმანიას უმასპინძლებენ ავჭალის სტადიონზე.

მატჩის ბილეთების გაყიდვა დღეს დაიწყო. დღეს და ხვალ ბილეთები ავჭალის სტადიონის სალაროში 11-დან 19 საათამდე გაიყიდება, ხოლო მატჩის დღეს ბილეთები 12 საათიდან მატჩის დაწყებამდე გაიყიდება. ბილეთის ფასი 5 ლარი.

წლის პირველ მატჩამდე კი 48 საათზე ნაკლები დრო რჩება და დადგა სამატჩო რაზმის დასახელების დრო. ბორჯღალოსნების სამწვრთნელო შტაბმა გუნდი წინა კვირას შევარდენზე შეკრიბა და პირველი ორი შეხვედრისთვის გაფართოებული რაზმი დაასახელა (ვრცლად)

დღეს კი ჰეიგმა 23 კაცა რაზმი დაასახელა, რომლითაც შაბათს გერმანიას დავუპირისპირდებით. შემადგენლობაში რამდენიმე პოზიციაზე ღჳრს ყურადღების გამახვილება რაზეც ბორჯღალოსნების მთავარმა მწვრთნელმა კომენტარები გააკეთა.

გერმანიასთან ბორჯღალოსნებს შალვა სუთიაშვილი უკაპიტნებს, რომელსაც ეს პატივი და პასუხისგებლობა მერვედ ერგო. ბოლოს ეროვნულ ნაკრებს მინდორზე სუთიაშვილის 2015 წლის რაგბი ევროპის ჩემპიონატზე წარუძღვა.

რაზმში ერთი ახალბედაა - რუსთაველი ბურჯი, მსოფლიო რაგბის 2015 წლის 20-წლამდელთა ალაფის გამარჯვებული, გიორგი მელიქიძე, რომელიც სტად ფრანსეს ესპუარებში თამაშობს და ხშირად ჩნდება პირველ გუნდშიც. დასაბამიდან იგი, 237-ე ბორჯღალოსანია - „როგორც ადრე ავღნიშნე, დიდი ხანია რაც მელიქიძეს ვაკვირდებით და მნიშვნელოვანად მიმაჩნია მისთვის შანსის მიცემა. იმედი მაქვს იგი ისევე გამორჩეულად ითამაშებს, როგორც ალაფაზე. აგრეთვე მას ასაკის მიხედვით 20 წლამდელთა მსოფლიოზეც უწევს თამაში და ტურნირისთვის უდიდეს გამოცდილებას დააგროვებს.“

შერკინებაში 8 ნომრად ‘მონდე მარსანისა’ და 20-წლამდე ბორჯღალოსანთა მესამეხაზელი - ბექა გორგაძე დაიწყებს - „მან შარშან უკვე ითამაშა თბილისის თასზე და მსოფლიო თასის შეკრებაზეც ივარჯიშა გუნდთან ერთად. აქედან გამომდინარე, მისთვის ეს გარემო უცხო არაა და მასზე დიდ იმედებს ვამყარებ. მნიშვნელოვნად მიმაჩნია და იმედი მაქვს, რომ იგი გაითავისებს თავის როლს და დარწმუნებული ვარ, რომ საქმეს თავს კარგად გაართმევს.“

შაბათის მატჩში დავით კაჭარავა ნამსახურობით - 88 კეპს დააგროვებს და დაეწევა აქამდელ ლიდერს, მეკო კვირიკაშვილს. მეკო ამ მატჩს გამოტოვებს, რადგან მაჯის ტრავმას იშუშებს - „მას მაჯის ოპერაცია გაუკეთს და ვფიქრობდით, რომ შაბათს ეთამაშა, მაგრამ მაინც არ გვარისკეთ, ვინაიდან ახლახანს განაახლა ვარჯიში. შემდეგ კვირაში მეკო მწყობრში უნდა იყოს.“

ასვე აღსანიშნავია, რომ გუნდის მეორე ვეტერანი, გიორგი ჩხაიძე მიითვლის 87-ე კეპს.

გამოძახებულთაგან სეზონის პირველივე მატჩში ვერ ვიხილავთ თამაზ მჭედლიძესა და მერაბ შარიქაძეს. ორივე ტრავმებს იშუშებენ. მჭედლიძემ ტოპ 14-ის ბოლო მატჩში ფეხის კუნთი გაიჭიმა, ხოლო შარიქაძეს კოჭი აწუხებს - „მჭედლიძესა და შარიქაძეს მცირე ტრავმები აქვთ და ვამჯობინეთ მათი დასვენება. დღესიმდგომარეობით ისინი მინიმუმ ერთ კვირას გამოტოვებენ.“

კაჭარავასთან ერთად ცენტრში ლაშა მალაღურაძე ითამაშებს - „მოცემულ მდგომარეობაში 12 ნომერზე ლაშა მალაღურაძე იდეალურ კანდიდატად მიმაჩნია. გარდა ამისა ჩვენ ადრეც მოვისაზრებდით მას ამ პოზიციაზე და ლაშასთან ბევრჯერ მისაუბრია ამის შესახებ. მსოფლიოზეც მან დაამტკიცა, რომ ბურთს კარგად ანაწილებს, შეტევაში და დაცვაშიც კარგად თამაშობს.“

სამატჩო რაზმი

საქართველოს ბორჯღალოსნები

"რაგბი ევროპის" ჩემპიონატი 2016 * გერმანია * შაბ 06/02 ავჭალა @ 14.00

No	სახელი და გვარი	კლუბი	დაბ	ბრჯ	მონაგარი

უკანა ხაზი [ბექები]

15	ბექა წიკლაური	ლოკომოტივი [საქ დ 10]	1989	23	4ლ 11გ 15ჯ 2ა [93 ქ]
14	გიორგი ფრუიძე	ქუთაისის აია [საქ დ 10]	1994	5	:
13	დავით კაჭარავა	ენისეი [რუს სუპერ]	1985	87	17ლ [4 კაპ] სბ
12	ლაშა მალაღურაძე	ბოლნისის ყოჩები [საქ დ 10]	1986	62	4ლ 29გ 25ჯ 3ა [162 ქ] 2სბ
11	სანდრო თოდუა	ლელო სარასენს [საქ დ 10]	1987	50	5ლ 2სბ
10	ლაშა ხმალაძე	ლელო სარასენს [საქ დ 10]	1988	39	5ლ 4გ [33 ქ]
9	ვასილ ლობჟანიძე	არმაზი [საქ დ 10]	1996	10	:

შერკინება [ფორვარდები]

1	მიხეილ ნარიაშვილი	მონპელიე [სფრ ტოპ 14]	1990	32	ლ სბ
2	შალვა მამუკაშვილი	გლაზგო [შტლ პრო 12]	1990	35	3ლ
3	ანტონ ფეიქრიშვილი	ბეიონ [სფრ პრო დ2]	1987	16	ლ სბ
4	გიორგი ჩხაიძე	ლილ [სფრ ფედ1]	1981	86	10ლ [1 კაპ] 6სბ
5	გიორგი ნემსაძე	ტარბ [სფრ პრო დ2]	1984	54	9ლ 3სბ
6	შალვა სუთიაშვილი^კაპ	ანგულემ [სფრ ფედ1]	1984	52	ლ [7 კაპ] 3სბ
7	გიორგი თხილაიშვილი	ბათუმი [საქ დ 10]	1991	24	3ლ სბ
8	ბექა გორგაძე	მონ’დე’მარსან [სფრ პრო დ2]	1996	2	სბ

მარქაფა [სათადარიგოები]

23	გიორგი აფციაური	არმია [საქ დ 10]	1994	14	:
22	რევაზ ჯინჭველაშვილი	ქუთაისის აია [საქ დ 10]	1995	1	:
21	გიორგი ბეგაძე	ბოლნისის ყოჩები [საქ დ 10]	1986	40	2სბ

16	ზურაბ ჟვანია	სტად ფრანსეზ [სფრ ტოპ 14]	1991	19	7ლ 2სბ
17	კახა ასიეშვილი	ბრივ [სფრ ტოპ 14]	1987	16	ლ
18	გიორგი მელიქიძე	სტად ფრანსეზ [სფრ ტოპ 14]	1996	0	:
19	ლაშა ლომიძე	ბეზიე [სფრ პრო დ2]	1992	15	2ლ სბ
20	საბა შუბითიძე	აკადემია [საქ დ 10]	1994	3	:

უფროსობა

	მილთონ ჰეიგ	მთავარი მწვრთნელი	[ზელ]
	ლევან მაისაშვილი	მწვრთნელი
	მაიქლ ბრედლი	მწვრთნელი	[ირლ]
	ილია მაისურაძე	მწვრთნელი
	ირაკლი ხუნდაძე	მენეჯერი