საქართველოს რაგბის კავშირი განაგრძობს რაგბის ისტორიაში ერთ-ერთი ყველაზე წარმატებული წლის მნიშვნელოვანი მოვლენების გახსენების რუბრიკას. 2015-ში 20-წლამდელებმა ასახელეს ქართული რაგბი. პორტუგალიაში ‪‎მსოფლიო რაგბის U20 ალაფაზე‬ უმცროსი ბორჯღალოსნები შეუდარებელნი იყვნენ. ტურნირისთვის მზადება გუნდმა დიდი ხნით ადრე დაიწყო და ამ პერიოდში არაერთი შეკრება და მათ შორის მენტალური მდგრადობის კურსი გაიარა.
ტურნირზე პირველივე მატჩში ‪ჩვენი ბიჭები‬ ურუგვაის დაუპირისპირდნენ და 46:12 გაიმარჯვეს. შემდეგ მრისხანე მეტოქე, ფიჯის თანატოლთა ნაკრები 30:13 დაამარცხეს. ფინალში გასასვლელად ‪უმცროს ბორჯღალოსნებს‬ მასპინძელი პორტუგალია უნდა დაემარცხებინათ, რაც მათ ანგარიშით 19:11 შეძლეს და სანატრელ ჯილდომდე, შესაბამისად 20 წლამდელთა მსოფლიო ჩემპიონატის საგზურამდე, კანადასთან ბოლო რკენა აშორებდათ. საუცხოო ფორმაში მყოფმა ჩვენმა გუნდმა ეს ბარიერიც გადალახა, ფინალში კანადელ თანატოლებს 49:24 სძლია და მსოფლიო რაგბის 20-წლამდელთა ჩემპიონატის საგზური მოიპოვა.

მონტაჟი: ლაშა ლორთქიფანიძე, საქართველოს რაგბის კავშირი