საქართველოს მორაგბეთა “დიდი 10”-ის მე-7 ტურის მეორე სათამაშო დღეს, მიმდინარე გათამაშებაში პირველად დამარცხდა გორის “ჯიქი”, ხოლო რუსთავის “ხარებმა” პირველი გამარჯვება მოიპოვა.
გორელები ქუთაისს ეწვივნენ და პირველ ტაიმში მხოლოდ ერთი ჯარიმა გაიტანეს, თავად კი 2 ჯარიმა და ლელო გაუშვეს, რის შემდეგაც 3:11 ჩამორჩნენ. მეორე ტაიმში “ჯიქმა” ლელო გაიტანა, ჩამორჩენა 3 ქულამდე დაიყვანა და 8:11 მარცხისთვის მხოლოდ პრემიალურ ქულას დასჯერდა.
რუსთავში პირველი ტაიმი სტუმრებმა უკეთ ჩაატარეს, გუნდებმა ლელოები გაცვალეს, “არმიამ” ერთი ჯარიმაც გაიტანა და 8:5 დაწინაურდა. შესვენების შემდეგ ინიციატივა “ხარების” მხარეს გადავიდა, გუნდებმა ჯერ ჯარიმები გაცვალეს, მერე მასპინძლებმა ლელო გატანეს, გარდასახვა გამოიყენეს და 15:11 იმარჯვეს. ეს მათთვის სეზონის პირველი გამარჯვებაა, ხოლო “არმიას” მცირედი სხვაობით მარცხისთვის პრემიალური ქულა შეხვდა.
ახლა ჩემპიონატში მცირე შესვენებაა, რომლითაც “არმაზი” და “ლოკომოტივი” ისარგებლებენ და ჩემპიონატის მე-3 ტურის გადადებულ მატჩს გამართავენ, ხოლო მე-8 ტურის თამაშები 7-8 ნოემბერს გაიმართება.
საქართველოს XXVI ეროვნული ჩემპიონატი. VII ტური
25 ოქტომბერი
რუსთავი
ხარები (რუსთავი) - არმია (თბილისი) 15:11
ქუთაისი. “აია”
აია (ქუთაისი) - ჯიქი (გორი) 11:8
| 1. | ჯიქი | 7 | 6 | 0 | 1 | 141:76 | 27 | 3 |
| 2. | ბათუმი | 7 | 5 | 0 | 2 | 111:96 | 22 | 2 |
| 3. | აია | 7 | 4 | 1 | 2 | 119:100 | 20 | 2 |
| 4. | ლელო-სარასენსი | 7 | 4 | 1 | 2 | 117:99 | 19 | 1 |
| 5. | ყოჩები | 6 | 4 | 0 | 2 | 99:75 | 18 | 2 |
| 6. | ლოკომოტივი | 6 | 3 | 0 | 3 | 116:106 | 15 | 3 |
| 7. | აკადემია | 7 | 3 | 0 | 4 | 75:106 | 14 | 2 |
| 8. | არმია | 7 | 1 | 1 | 5 | 129:155 | 10 | 4 |
| 9. | ხარები | 7 | 1 | 0 | 6 | 81:142 | 6 | 2 |
| 10. | არმაზი | 5 | 0 | 1 | 4 | 73:106 | 4 | 2 |
1 ნოემბერი. გადადებული
არმაზი - ლოკომოტივი
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია