ბორჯღალოსნები

12:42 | 10.02.2016 | ნანახია 1408 - ჯერ

ჟვანია-ხმალაძის კომბინაცია კვირის საუკეთესო ლელოებში (+VIDEO)

საქართველოს მორაგბეთა ეროვნულმა ნაკრებმა გერმანიას 9 ლელო გაუტანა და მეტოქე 59:7 დაამარცხა. 72-ე წუთზე შეცვლაზე შესულმა ზურაბ ჟვანიამ მეტოქე ცრუმოძრაობაზე დაიჭირა და ცენტრთან გაჭრა ხაზი, მაღალ სისწრაფეზე 40 მეტრი დაფარა და რომ შებოჭეს ვარდნაში ლაშა ხმალაძეს ოფლოუდი ამოუგდო, რომელმაც „ბორჯღალოსნების“ მე-8 ლელო დადო.

ეს ლელო კვირის 5 საუკეთესო ლელოს შორის მე-4 ადგილზე გავიდა. არჩევანი ექვსი ერის, ერთა თასის, 20-წლამდე მორაგბეთა ექვსი ერის და სიდნეის 7-კაცაზე გატანილ ლელოებს შორის გაკეთდა.

მე-5 ადგილი ფრანგი ვირიმი ვაკატავას იტალიელთათვის გატანილ ლელოს ერგო, მე-3 ადგილზე ამერიკელი მოშვიდკაცის, პერი ბეიკერის უელსისთვის გატანილი ლელო გავიდა, მეორე ადგილი შოტლანდიის 20-წლამდელთა ნაკრების წევრის, ბლერ კინგჰორნის ინგლისელთათვის კონტრშეტევაზე გატანილ ლელოს ერგო, ხოლო პირველობა არავის დაუთმო ზელანდიელმა მოშვიდკაცე აკირა იოანემ, რომელმაც სიდნეის ეტაპზე ლამაზი ლელო ფიჯის გაუტანა.


კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
0.108515