საქართველოს სარაგბო ნაკრების მთავარმა მწვრთნელმა მილტონ ჰეიგმა რუსეთთან მატჩისთვის შემადგენლობა დაასახელა. შეგახსენებთ, რომ “ბორჯღალოსნების” და “დათვების” მე-19 შერკინება 14 მარტს მიხეილ მესხის სახელობის სტადიონზე გახლავთ დაგეგმილი და 17 საათიდან დაიწყება.
რაგბის კავშირის პრეს-სამსახურის ცნობით, საქართველოს ნაკრებს, რომელიც წინასამატჩო შეკრებას “შევარდენზე” გადის, მამუკა გორგოძე, დავით ზირაქაშვილი და ვახტანგ მაისურაძე დაუბრუნდნენ. ამ სამეულს გასული მატჩები ტრავმების გამო გაუცდა.
მომავალ შერკინებასთან დაკავშირებით, ჰეიგმა შემდეგი კომენტარი გააკეთა: “როგორც მოგეხსენებათ, რუსეთთან თამაში ჩვენთვის ყოველთვის მნიშვნელოვანია, განსაკუთრებით, როდესაც სახლში ვთამაშობთ. წინა ტურში მათ დიდი გამარჯვება მოიპოვეს რუმინეთთან და ახლა, თავს ნამდვილად თავდაჯერებულად იგრძნობენ. სასურველი შედეგის მისაღებად, შაბათს 100%-ით მომზადებულები უნდა დავუხვდეთ, როგორც ფიზიკურად, ასევე – მენტალურად. ძალიან საინტერესო მატჩი გველის“.
დასასრულ დავძენთ, რომ მომავალი მატჩის ბილეთები 8 მარტიდან ყოველდღიურად (11:00-19:00) მიხეილ მესხის სახელობის სტადიონის სალაროებში იყიდება. ფასი: 3 და 5 ლარია.
ბორჯღალოსნების რაზმი რუსეთთან * შაბ 14/03 თბილისი, ვაკე, მესხი @ 17.00
| No | სახელი და გვარი | კლუბი | დაბ | ბრჯ | მონაგარი |
| უკანა ხაზი [ბექები] | |||||
| 15 | მერაბ კვირიკაშვილი | მონლიუსონ [სფრ ფედ 1] | 1983 | 82 | 12ლ 105გ 110ჯ 3ა [609ქ] |
| 15 | გიორგი აფციაური | ქუთაისის აია [საქ] | 1994 | 4 | : |
| 14/11 | სანდრო თოდუა | ლელო სარასენს [საქ] | 1987 | 47 | 5ლ |
| 14/13 | თამაზ მჭედლიძე | აჟენ [სფრ პრო დ2] | 1993 | 24 | 4ლ |
| 14/11 | მურაზ გიორგაძე | არმაზი [საქ] | 1994 | 4 | ლ |
| 14/11 | ალექსანდრე ხუციშვილი | ბოლნისის ყოჩები [საქ] | 1992 | 2 | ლ |
| 13/12 | დავით კაჭარავა | ენისეი კრასნოიარსკ [რუს] | 1985 | 79 | 16ლ [4 კაპ] |
| 13/12 | მერაბ შარიქაძე | ორიაკ [სფრ პრო დ2] | 1993 | 31 | 7ლ [1 კაპ] |
| 10 | ლაშა მალაღურაძე | ბანიერ [სფრ ფედ 1] | 1986 | 53 | 3ლ 27გ 20ჯ 3ა [138ქ] |
| 10 | ლაშა ხმალაძე | ლელო სარასენს [საქ] | 1988 | 37 | 5ლ 4გ [33ქ] |
| 9 | გიორგი ბეგაძე | ბოლნისის ყოჩები [საქ] | 1986 | 30 | |
| 9 | ვაჟა ხუციშვილი | რუსთავის ხარები [საქ] | 1993 | 15 | : |
| 9 | ვასილ ლობჟანიძე | არმაზი [საქ] | 1996 | 3 | : |
| შერკინება [ფორვარდები] | |||||
| 1 | მიხეილ ნარიაშვილი | მონპელიე [სფრ ტოპ 14] | 1990 | 24 | ლ |
| 1 | კახა ასიეშვილი | ბრივ [სფრ ტოპ 14] | 1987 | 8 | : |
| 2 | სიმონ მაისურაძე | ვალანს [სფრ ფედ 1] | 1986 | 29 | |
| 2 | ზურაბ ჟვანია | სტად ფრანსეზ [სფრ ტოპ 14] | 1991 | 16 | 6ლ |
| 3 | დავით ზირაქაშვილი | კლერმონ [სფრ ტოპ 14] | 1983 | 46 | 9ლ [1 კაპ] |
| 3 | ლევან ჩილაჩავა | ტულონ [სფრ ტოპ 14] | 1991 | 21 | 3ლ |
| 3 | ანტონ ფეიქრიშვილი | ბრივ [სფრ ტოპ 14] | 1987 | 13 | |
| 4/5 | ლევან დათუნაშვილი | ორიაკ [სფრ პრო დ2] | 1983 | 65 | 3ლ |
| 4/5 | გიორგი ნემსაძე | ტარბ [სფრ პრო დ2] | 1984 | 47 | 9ლ |
| 4/5 | კოტე მიქაუტაძე | ტულონ [სფრ ტოპ 14] | 1991 | 29 | ლ |
| 4/5 | ვახტანგ მაისურაძე | ალბი [სფრ პრო დ2] | 1987 | 23 | 2ლ |
| 6/7 | მამუკა გორგოძე | ტულონ [სფრ ტოპ 14] | 1984 | 57 | 24ლ [2 კაპ] |
| 6/7 | შალვა სუთიაშვილი | მასი [სფრ პრო დ2] | 1984 | 46 | ლ [5 კაპ] |
| 6/7 | გიორგი თხილაიშვილი | ბათუმი [საქ] | 1991 | 19 | ლ |
| 8 | ბექა ბიწაძე | ლოკომოტივი [საქ] | 1991 | 10 | 3ლ |
| 8 | ლაშა ლომიძე | ბეზიე [სფრ პრო დ2] | 1992 | 8 | ლ |
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია