საქართველოს ჩემპიონატის ლიდერმა, ბოლნისის “ყოჩებმა” შეირგო საჩუქარი გორის “ჯიქებისგან”, ვინც გუშინ ლიდერის უახლოესი მდევარი “ბათუმი” მალთაყვაში დაამარცხა და “არმიის” 27:15 დამარცხებით, უპირატესობა 9 ქულამდე გაზარდა.
ბოლნისელებს ყველა წინაპირობა ჰქონდათ, რომ მეტოქე პრემიალური ქულით დაემარცხებინათ და რეგულარული გათამაშების დასრულებამდე სამი ტურით ადრე, ეს უპირატესობა 10-ქულიანი ყოფილიყო. “ავჭალაზე” გამართული მატჩის დებიუტში ანგარიში ლელოთი ირაკლი გეგენავამ გახსნა და მანვე მეორე ლელოც მიითვალა, ხოლო მესამე ლელო გიორგი ხარშილაძემ გაიტანა და “ყოჩები” 24:3 დაწინაურდა. ამის შემდეგ ბოლნისური კლუბი მოეშვა, “არმიამ” ორი საპასუხო ლელო გაიტანა და მართალია თავად ამით არაფერი მოემატა, მაგრამ მეტოქეს პრემიალური ქულის აღების საშუალება არ მისცა – 27:15.
რუსთავში მოულოდნელი მარცხი განიცადა “ხარებმა”, რომელმაც “არმაზს” უმასპინძლა. რუსთაველებმა ორი ლელო გაიტანეს და თავად მხოლოდ ერთი გაუშვეს, მაგრამ თბილისელებმა კარში უკეთ ურტყეს და 16:15 იმარჯვეს. შედეგად, “ხარები” მხოლოდ პრემიალურ ქულას დასჯერდა და ერთ დროს მეორეადგილოსანი უკვე მე-6 საფეხურამდე დაეშვა. რუსთაველებს ჯერჯერობით კომფორტული უპირატესობა აქვთ, მაგრამ მომდევნო ტურში უახლოეს მდევარს ეთამაშებიან და თუ დამარცხდნენ, პლეიოფში გასასვლელად მათი მდგომარეობა დამძიმდება.
საქართველოს მორაგბეთა XXV ეროვნული ჩემპიონატი
XV ტური
1 მარტი
თბილისი. “ავჭალა”. 700 მაყურებელი
არმია (თბილისი) - ყოჩები (ბოლნისი) 15:27
არმია: 2 ლელო - ჯიმუხაძე, ტუჩაშვილი; 1 გარდასახვა - მეკოკიშვილი; 1 ჯარიმა - მეკოკიშვილი
ყოჩები: 3 ლელო - გეგენავა (1, 2), ხარშილაძე; 3 გარდასახვა - სოხაძე; 2 ჯარიმა - სოხაძე
რუსთავი. ახალი 300 მაყურებელი
ხარები (რუსთავი) - არმაზი (თბილისი) 15:16
ხარები: 2 ლელო - ცხადაძე, მელიქიძე; 1 გარდასახვა - მელიქიშვილი; 1 ჯარიმა - მელიქიშვილი; 1 სინბინი - თაგაური
არმაზი: 1 ლელო - მისრიაშვილი; 1 გარდასახვა - კიკნაძე; 1 არეკნი - კიკნაძე; 2 ჯარიმა - ნიკოლავა, კიკნაძე; 1 წითელი ბარათი - ბუკია
| 1. | ყოჩები | 15 | 12 | 1 | 2 | 343:202 | 53 | 3 | ||||||
| 2 | ლელო-სარასენსი | 15 | 9 | 3 | 3 | 293:202 | 44 | 2 | ||||||
| 3. | ბათუმი | 15 | 9 | 1 | 5 | 303:218 | 44 | 6 | ||||||
| 4. | აია | 15 | 8 | 0 | 7 | 299:232 | 39 | 7 | ||||||
| 5. | ლოკომოტივი | 15 | 7 | 1 | 7 | 276:234 | 38 | 8 | ||||||
| 6. | ხარები | 15 | 7 | 2 | 6 | 299:216 | 37 | 5 | ||||||
| 7. | ჯიქები | 15 | 6 | 2 | 7 | 213:219 | 30 | 2 | ||||||
| 8. | არმაზი | 15 | 6 | 1 | 8 | 238:292 | 28 | 2 | ||||||
| 9. | არმია | 15 | 4 | 1 | 10 | 190:334 | 21 | 3 | ||||||
| 10. | თიბიეს უნივერსიტეტი | 15 | 1 | 0 | 14 | 181:486 | 7 | 3 | ||||||
მომდევნო ტური. 7-8 მარტი
არმაზი - თიბიეს უნივერსიტეტი; ლოკომოტივი - არმია; ყოჩები - ლელო-სარასენსი; აია - ბათუმი; ჯიქები - ხარები
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია