"ბორჯღალოსანთა" სამზადისი

ამბები

21:16 | 18.02.2015 | ნანახია 4417 - ჯერ

28 თებერვალს, საქართველოს ეროვნული ნაკრები რაგბი ევროპის 2015 წლის გათამაშების მესამე ტურში ესპანეთს მადრიდში ესტუმრება. მატჩი უნივერსიტეტის სტადიონზე თბილისის დროით 19 საათზე დაიწყება. ბორჯღალოსნებმა პირველი ორი მატჩი მოიგეს, მაგრამ გათამაშების ცხრილში პირველი ადგილი რუმინეთს დაუთმეს ერთი ქულით, რადგან მუხებმა ესპანეთი ბონუსით დაამარცხეს.

რაზმის განახლებები

ჩვენი ნაკრები კვირას ბარსელონაში გაემგზავრება, სადაც მატჩამდე 5-დღიან შეკრებას გაივლის. სამწვრთნელო შტაბმა რაზმში დამატებით ორ მოთამაშეს უხმო: სიმონ მაისურაძე და ანტონ ფეიქრიშვილი ტრავმირებულების – შალვა მამუკაშვილისა და დავით ქუბრიაშვილის ნაცვლად გამოიძახეს. გარდა ამისა, რაზმში უხმეს ვაჟა ხუციშვილსაც, რომელმაც პირველი ორი შეხვედრა ფეხის კუნთის მცირე ტრავმის გამო გამოტოვა.

“სწორედ ტრავმის გამო ვერ მოხერხდა თავიდან ხუციშვილის გამოძახება, რამაც ვასილ ლობჟანიძის საქმეში ნახვის შესაძლებლობა მოგვცა. მოგეხსენებათ, ვაჟამ კარგად ითამაშა იაპონიის წინააღმდეგ და ამჯერად კიდევ ერთი შანსი ეძლევა თავის გამოსაჩენად. ესპანეთის მატჩის შემდეგ ფაქტიურად სამივე 9 ნომერი ნანახი გვეყოლება და მეტ-ნაკლებად შეგვექმნება წარმოდგენა იმაზე, თუ რომელ ორს დავუძახებთ გათამაშების ბოლო ორ შეხვედრაში“ – განაცხადა მილტონ ჰეიგმა.

გასვლაზე რთულ მეტოქესთან

“ესპანეთთან ყოველთვის რთულია თამაში. ჩემი მწვრთნელობის დროს აგერ უკვე ორჯერ ვესტუმრეთ და როგორც გახსოვთ, პირველი შეხვედრა დავთმეთ, ბოლო ჩასვლაზე კი მხოლოდ მეორე ტაიმში შევძელით გამარჯვების მოპოვება. აქედან გამომდინარე, მადრიდში ადვილი თამაში არ გველის. მიუხედავად ყველაფრისა, მათ უნდა ვაჯობოთ. ასეთ მოწინააღმდეგესთან აუცილებლად უმაღლეს დონეზე უნდა გამოვიყენოთ ჩვენი უნარები და თუ ამას შევასრულებთ, ანგარიში თავისთავად გაიზრდება.

“ესპანეთის ნაკრებს ტრადიციულად ძლიერი ხაზის მოთამაშეები ჰყავს. ამავდროულად ჩვენმა ხაზმაც გააუმჯობესა თამაში, მაგრამ კიდევ ბევრი რამ გვაქვს დასახვეწი ამ ასპექტში – განსაკუთრებით ის ბოლო პასები, რომლებსაც ლელო უნდა მოჰყვეს. საბედნიეროდ, გვყავს მოთამაშეები, რომლებსაც ეს სისტემა კარგად ესმით.

“გერმანიასთან გამართულმა თამაშმა გვანახა, თუ რამდენად კარგად შეგვეძლო კონტრ–შეტევის განხორციელება. პორტუგალიასთანაც ვუტევდით, მაგრამ დაგვირგვინება არ გამოგვდიოდა. მწვრთნელები განვაგრძობთ ამ კუთხით მუშაობას და ვეცდებით, რომ ბოლო ფაზაში გუნდმა უკეთესად ითამაშოს.”

ტრავმირებული მოთამაშეები

პორტუგალიასთან შალვა მამუკაშვილმა მუხლი დაიზიანა. მას წუხელ მენისკის ოპერაცია გაუკეთეს და ვარჯიშის დაწყება სავარაუდოდ ორ–სამ თვეში შეეძლება.

სამწვრთნელო შტაბის განცხადებით, რაგბი ევროპის წლევანდელი გათამაშების დარჩენილ თამაშებში ნაკრებს სავარაუდოდ ვასილ კაკოვინი, დავით ქუბრიაშვილი და მამუკა გორგოძე დაუბრუნდებიან, ხოლო ჯაბა ბრეგვაძე, ვიტო კოლელიშვილი, თედორე ზიბზიბაძე, დავით ხინჩაგიშვილი და ვახტანგ მაისურაძე ტურნირის ბოლომდე ვეღარ მოახერხებენ გუნდის დახმარებას.

ბორჯღალოსნების რაზმი

ესპანეთი * შაბ 28/02 მადრიდი, უნივერსიტეტი @ 19.00 საქ

No	სახელი და გვარი	კლუბი	დაბ	ბრჯ	მონაგარი

უკანა ხაზი [ბექები]

15	მერაბ კვირიკაშვილი	მონლიუსონ [სფრ ფედ 1]	1983	81	12ლ 103გ 106ჯ 3ა [593ქ]
15	გიორგი აფციაური	ქუთაისის აია [საქ]	1994	3	:
14/11	სანდრო თოდუა	ლელო სარასენს [საქ]	1987	46	5ლ
14/11	მურაზ გიორგაძე	არმაზი [საქ]	1994	4	ლ
14/11	ალექსანდრე ხუციშვილი	ბოლნისის ყოჩები [საქ]	1992	1	ლ
13/12	დავით კაჭარავა	ენისეი კრასნოიარსკ [რუს]	1985	78	15ლ [4 კაპ]
13/12	მერაბ შარიქაძე	ორიაკ [სფრ პრო დ2]	1993	30	7ლ [1 კაპ]
13/12	თამაზ მჭედლიძე	აჟენ [სფრ პრო დ2]	1993	23	4ლ
10	ლაშა მალაღურაძე	ბანიერ [სფრ ფედ 1]	1986	53	3ლ 27გ 20ჯ 3ა [138ქ]
10	ლაშა ხმალაძე	ლელო სარასენს [საქ]	1988	36	5ლ 4გ [33ქ]
9	ვაჟა ხუციშვილი	რუსთავის ხარები [საქ]	1993	14	:
9	ვასილ ლობჟანიძე	არმაზი [საქ]	1996	2	:

შერკინება [ფორვარდები]

2	სიმონ მაისურაძე	ვალანს [სფრ ფედ 1]	1986	28
2	ზურაბ ჟვანია	სტად ფრანსეზ [სფრ ტოპ 14]	1991	15	5ლ
1/3	დავით ზირაქაშვილი	კლერმონ [სფრ ტოპ 14]	1983	46	9ლ [1 კაპ]
1/3	მიხეილ ნარიაშვილი	მონპელიე [სფრ ტოპ 14]	1990	23	ლ
1/3	ლევან ჩილაჩავა	ტულონ [სფრ ტოპ 14]	1991	20	3ლ
1/3	ანტონ ფეიქრიშვილი	ბრივ [სფრ ტოპ 14]	1987	12
1/3	კახა ასიეშვილი	ბრივ [სფრ ტოპ 14]	1987	7	:
4/5	გიორგი ჩხაიძე	ლილ [სფრ ფედ 1]	1981	79	10ლ [1 კაპ]
4/5	ლევან დათუნაშვილი	ორიაკ [სფრ პრო დ2]	1983	64	3ლ
4/5	გიორგი ნემსაძე	ტარბ [სფრ პრო დ2]	1984	46	9ლ
4/5	კოტე მიქაუტაძე	ტულონ [სფრ ტოპ 14]	1991	28	ლ
6/7/8	შალვა სუთიაშვილი	მასი [სფრ პრო დ2]	1984	45	ლ [4 კაპ]
6/7/8	დიმიტრი ბასილაია	პერპინიონ [სფრ პრო დ2]	1985	38	6ლ
6/7/8	გიორგი თხილაიშვილი	ბათუმი [საქ]	1991	18	ლ
6/7/8	ბექა ბიწაძე	ლოკომოტივი [საქ]	1991	10	3ლ
6/7/8	ლაშა ლომიძე	ბეზიე [სფრ პრო დ2]	1992	7	ლ

სამწვრთნელო შტაბი

	მილთონ ჰეიგ	მთავარი მწვრთნელი	[ზელ]
	ილია მაისურაძე	მწვრთნელი
	ილია ზედგინიძე	მწვრთნელი
	ირაკლი მაჩხანელი	მწვრთნელი
	მაიქლ ბრედლი	მწვრთნელი	[ირლ]
	დიდიე ბეს	მწვრთნელი	[სფრ]
	ვასილ აბაშიძე	მენეჯერი