საქართველოს მორაგბეთა ეროვნულ ნაკრებს, გერმანიის 64:8 დამარცხებამ სარეიტინგო ქულები ვერ შესძინა და მე-15 ადგილზე რჩება. წინსვლის იმედი არც მომავალ კვირაში უნდა გვქონდეს, რადგან სარეიტინგო ქულებს არც პორტუგალიის ძლევა მოგვიტანს.

ერთა თასზე ქართველთა უმთავრესმა მეტოქე რუმინეთმა ლისაბონში პორტუგალია 37:10 დაამარცხა, ამერიკა ჩამოიტოვა და ქართველთა უკან, მე-16 ადგილზეა. პორტუგალიამ ერთი ადგილი დაკარგა და საქართველოს 23-ე პოზიციიდან ეწვევა. ერთი ადგილი დაკარგა რუსეთმაც, რომელსაც ესპანეთმა 43:20 აჯობა. მიუხედავად ამისა, ესპანელები ჯერჯერობით 21-ე ადგილზე რჩებიან, მაგრამ რუსებს უკვე მცირედით ჩამორჩებიან.

ინგლისმა მსოფლიო თასის ჯგუფში თავისი მეტოქე უელსი 21:16 რომ დაამარცხა მნიშვნელოვანი სარეიტინგო ქულებიც მიიღო, მე-3 ადგილამდე დაწინაურდა და ევროპის გუნდებს შორის საუკეთესო მაჩვენებელი აქვს. ირლანდიამ რომში იტალიას დამაჯერებლად კი აჯობა (26:3), მაგრამ მათ შორის ისეთი სხვაობა იყო, ირლანდიელების რეიტინგს არაფერი დატყობია და მე-3 ადგილიც ინგლისს დაუთმო. მიუხედავად მარცხისა, უელსი მე-6 ადგილზე რჩება, მაგრამ შოტლანდიის მძლეველი საფრანგეთი (15:8) მას უკვე ძალიან მიუახლოვდა.

მსოფლიო რაგბის რეიტინგი 9 თებერვლისთვის

• (1). ახალი ზელანდია 93,70
• (2). სამხრეთ აფრიკა 88,23
• (4). ინგლისი 85,83
• (3). ირლანდია 85,48
• (5). ავსტრალია 82,95
• (6). უელსი 80,66
• (7). საფრანგეთი 80,27
• (9). არგენტინა 78,23
• (8). შოტლანდია 78,16
• (10). სამოა 75,39
• (11). იაპონია 74,70
• (12). ფიჯი 74,57
• (13). ტონგა 74,12
• (14). იტალია 71,19
• (15). საქართველო 70,76
• (17). რუმინეთი 68,00
• (16). აშშ 67,61
• (18). კანადა 66,83
• (20). ურუგვაი 63,58
• (19). რუსეთი 62,55
• (21). ესპანეთი 62,22
• (23). ნამიბია 58,27
• (22). პორტუგალია 57,94
• (24). კორეა 57,22
• (25). გერმანია 56,32
• (26). ზიმბაბვე 55,83
• (27). ჰონკონგი 55,79
• (28). მოლდოვა 55,38
• (29). ჩილე 54,54
• (30). ბელგია 54,50
• (31). კენია 53,25
• (32). უკრაინა 52,33
• (33). ჰოლანდია 52,25
• ...