საქართველოს მორაგბეთა XXV ეროვნული ჩემპიონატის მე-13 ტურის პირველ მატჩში, “ბათუმმა” რუსთავის “ხარები” 14:10 დაამარცხა და ლიდერ “ყოჩებთან” ჩამორჩენა 5 ქულამდე დაიყვანა, თუმცა ამ ეტაპისთვის ბოლნისელებს ერთით ნაკლები თამაში აქვთ ჩატარებული.
ტურის ერთ-ერთი ცენტრალური შეხვედრა, რომელიც ანგისაზე გაიმართა, დაძაბული გამოდგა. პირველ ტაიმში გუნდებმა ლელო-გარდასახვები გაცვალეს, სტუმრებმა ჯარიმაც გაიტანეს და 10:7 დაწინაურდნენ. მეორე ტაიმში ჩემპიონატის საუკეთესო მელელოვემ ლევან თხელიძემ იმ დღეს თავისი გუნდის მეორე, ჩემპიონატში კი თავისი მე-8 ლელო გაიტანა, კობახიძის გარდასახვაც ზუსტი იყო და ზღვისპირელები 14:10 დაწინაურდნენ. დარჩენილ დროში ანგარიში აღარ შეცვლილა და მასპინძლებმა მოგებისთვის 4, ხოლო რუსთაველებმა მცირე სხვაობით მარცხისთვის 1 პრემიალური ქულა მიიღეს.
საქართველოს მორაგბეთა XXV ეროვნული ჩემპიონატი
XIII ტური
6 თებერვალი.
ბათუმი. ანგისა. 200 მაყურებელი
ბათუმი (ბათუმი) - ხარები (რუსთავი) 14:10
2 ლელო: კელენჯერიძე, თხელიძე; 2 გარდასახვა: კობახიძე; 1 სინბინი: გაგოშვილი - 1 ლელო: თეგეთაშვილი; 1 გარდასახვა: მელიქიშვილი; 1 ჯარიმა: მელიქიშვილი
| 1 | ყოჩები | 12 | 10 | 1 | 1 | 270-157 | 44 |
| 2 | ბათუმი | 13 | 8 | 1 | 4 | 262-188 | 39 |
| 3 | ლელო სარ. | 12 | 7 | 2 | 3 | 236-164 | 34 |
| 4 | ხარები | 13 | 6 | 2 | 5 | 227-197 | 31 |
| 5 | ლოკომოტივი | 12 | 5 | 1 | 6 | 187-171 | 28 |
| 6 | აია | 13 | 6 | 0 | 6 | 193-186 | 28 |
| 7 | არმაზი | 12 | 5 | 1 | 6 | 202-230 | 24 |
| 8 | არმია | 12 | 4 | 1 | 7 | 169-235 | 21 |
| 9 | ჯიქები | 12 | 4 | 1 | 7 | 158-188 | 20 |
| 10 | თიბიეს უნივ. | 12 | 1 | 0 | 11 | 153-341 | 7 |
7 თებერვალი
თბილისი. “ავჭალა”. 14:30 საათი
ლოკომოტივი (თბილისი) - აია (ქუთაისი)
თბილისი. “შევარდენი”. 15:00 საათი
არმია (თბილისი) - ჯიქები (გორი)
8 თებერვალი
თბილისი. “ავჭალა”. 15:00 საათი
თიბიეს უნივერსიტეტი (თბილისი) - ყოჩები (ბოლნისი)
თბილისი. “შევარდენი”. 16:00 საათი
ლელო-სარასენსი (თბილისი) - არმაზი (თბილისი)
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია