2011 წლის მსოფლიოს ახალგაზრდული (20-წლამდე) ალაფას საწყის ეტაპზე, საქართველოს სარაგბო ნაკრები B ჯგუფში იაპონიის, კანადისა და ზიმბაბვეს გუნდებთან ერთად ითამაშებს, A ჯგუფი კი სამოამ, რუსეთმა, ურუგვაიმ და აშშ-მ დააკომპლექტეს.
შეგახსენებთ, რომ მომავალ ტურნირი 24 მაისიდან 5 ივნისამდე თბილისში, სავარაუდოდ, “შევარდენისა” და “სინათლის” განახლებულ სტადიონებზე შედგება, “ბორჯღალოსნები” კი, გასაგებ მიზეზთა გამო, შეჯიბრის ერთ-ერთ ფავორიტებად მოიაზრებიან.
საქართველოს ნაკრები ტურნირის პირველ მატჩს 24 მაისს, კანადასთან ჩაატარებს, 28-ში ზიმბაბვეს შეხვდება, 1 ივნისს კი – იაპონიას.
ჯგუფების გამარჯვებულები ერთმანეთს ფინალში შეხვდებიან და მათ შორის უმჯობესი 2012 წლის მსოფლიოს ჩემპიონატის საგზურს მიიღებს, აგრეთვე გათამაშდება მე-3, მე-5 და მე-7 ადგილები.