საქართველოს 18-წლამდე მორაგბეთა ნაკრები დღეს დილით კლერმონში გაემგზავრნენ, სადაც ევროპის პირველობისთვის შეკრებას გაივლიან. შეკრების მსვლელობისას უმცროსი ბორჯღალოსნები 2 ერთობლივ ვარჯიშსა და 1 მატჩს გამართავენ კლერმონის ასაკობრივ გუნდთან.

შეკრების შემდეგ, 12 მარტს 18-წლამდელები ლისაბონში გაემგზავრებიან და ტურნირისთვის მზადებას ადგილზე გააგრძელებენ. შეგახსენებთ, რომ რაგბი ევროპის 18-წლამდელთა ჩემპიონატი 17-27 მარტს გაიმართება.

დღესვე, სამხრეთ ამერიკული ტურნედან დაბრუნდნენ 20 წლამდე ბორჯღალოსნები. 16 თებერვლიდან 4 მარტის ჩათვლით უმცროსმა ბორჯღალოსნებმა 4 მატჩიანი სერია გამართეს არგენტინასა და ურუგვაიში. შეგახსენებთ, რომ აღნიშნული ტურნე ემსახურებოდა 20-წლამდელთა მსოფლიო ჩემპიონატისთვის (მსოფლიო რაგბის 20 წლამდელთა ჩემპიონატი) მზადებას, რომ 5-25 ივნისს მანჩესტერში გაიმართება. უმცროსი ბორჯღალოსნები ტურნირზე ‘ა’ ჯგუფში ახალი ზელანდიის, ირლანდიისა და უელსის თანატოლთა ნაკრებებს ერკინებიან. მსოფლიომდე 20 წლამდელთა ნაკრები შევარდენზე შეიკრიბება, სადაც სამწვრთნელო შტაბის განცხადებით გაგრძელდება მუშაობა გუნდის ოპტიმიზაციაზე.

კომენტარები

18 წლამდელები

- დავით ჩავლეიშვილი (მთ.მწვრთნელი), გიორგი მაისურაძე (მაწრთობი) და ლაშა ჯაიანი (მოთამაშე) ფრანგული შეკრებისა და ევროპის პირველობის შესახებ

20 წლამდელები

- ზურა ამონაშვილი (მწვრთნელი) ტურნეს შეფასებისა და მომავალი შეკრების შესახებ

www.rugby.ge