საქართველოს 20-წლამდე მორაგბეთა ნაკრებმა, დაძაბულ შეხვედრაში ურუგვაი 20:15 დაამარცხა და მსოფლიო თასის ალაფის გათამაშებაში მე-3 ადგილი დაიკავა. საქართველოს ნაკრებმა ქულები მხოლოდ პირველ ტაიმში დააგროვა - 2 ლელო გაიტანა, ორივე გარდასახვა გამოიყენა და მონაგარს კიდევ 2 ჯარიმა შემატა.
მე-2 ნახევარში, ურუგვაელებმა საქართველოს ნაკრებზე უკეთ ითამაშეს და სხვაობის შემცირება ხუთ ქულამდე მოახერხეს, მაგრამ საბოლოო ჯამში, ქართველთა დაცვამ გაძლო და 20:15 გაიმარჯვა.
მანამდე, მე-5 ადგილისთვის გამართულ მატჩში, კანადამ რუსეთი 49:24 დაამარცხა, ხოლო მე-7 ადგილისთვის აშშ-მ ზიმბაბვეს 30:29 აჯობა. ფინალური შეხვედრა – სამოა-იაპონია - 18:00 საათზე ავჭალის სტადიონზე დაიწყება.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია