საქართველოს მორაგბეთა ეროვნულმა ნაკრებმა, რუმინეთის დედაქალაქ ბუქარესტში, IRB-ს ერთა თასის დასკვნით შეხვედრაში, ცუდად დაწყებული მატჩის ბედის შემოტრიალება მოახერხა და 23:18 იმარჯვა.
ნამიბიელები ლელოთი დაწინაურდნენ და მალე ჯარიმაც გაიტანეს. მალხაზ ურჯუკაშვილმა ჯარიმითვე სხვაობა შეამცირა, თუმცა, აფრიკელებმა ამას მე-2 ლელოც მიაყოლეს და ამჯერად, გარდასახვაც გამოიყენეს. კარგა ხანს, ტაბლოზე 15:3 შენარჩუნდა. პირველი ნახევრის ბოლომდე ბევრი დრო აღარ რჩებოდა, როდესაც ბიძინა სამხარაძემ ერთი საპასუხო ლელო გაიტანა და ურჯუკაშვილმა რეალიზაციით ჩამორჩენა ხუთ ქულამდე დაიყვანა.
მე-2 ნახევარი ქართველთა იერიშებით დაიწყო და “ბორჯღალოსანთა” გარჯა რევაზ გიგაურის ლელოთი დაგვირგვინდა, მალხაზ ურჯუკაშვილმა კი, საქართველოს ნაკრები რეალიზაციით დააწინაურა.
ნამიბია უკანასკნელად ჯარიმით გავიდა წინ, რადგან მალხაზ ურჯუკაშვილმა 2 ჯარიმა ზუსტად შეასრულა და შეხვედრის დასრულებამდე 20 წუთით ადრე, საბოლოო შედეგი დააფიქსირა.

პორტუგალია - სამხრეთ აფრიკის “კინგსი” 12:39
რუმინეთი – არგენტინა 13:37

საბოლოო მდგომარეობა
1. სამხრეთ აფრიკის “კინგსი”    3    3    0    97:52    13
2. საქართველო                  3    2    1    54:62    8
3. არგენტინის ”იაგუარსი”         3    1    2    71:52    7
4. ნამიბია                                   3    1    2    58:59    6
5. რუმინეთი                              3    1    2    49:75    5
6. პორტუგალია                         3    1    2    60:89    5