საქართველოს მორაგბეთა 7-აკაცა ნაკრებმა, ევროპის გრან პრის მეოთხე, ბუქარესტის ეტაპზე, ჯგუფის ბოლო შეხვედრაში პორტუგალია ვერ დაამარცხა და V-VIII ადგილებისთვის ითამაშებს.
მეტოქემ კახა ალანიას შგირდებს სამი უპასუხო ლელო გაუტანა, სამივე რეალიზაცია გამოიყენა და 21:0 იმარჯვა. ქართველ მორაგბეებს თასის ნახევარფინალში გასვლის შანსი კიდევ ჰქონდათ. ამისათვის საფრანგეთი უკრაინასთან 22-ზე მეტი ქულის სხვაობით უნდა დამარცხებულიყო, მაგრამ ასე არ მოხდა. ფრანგებმა 14:5 იმარჯვეს და მეორე ადგილზე აღზევდნენ, საქართველოს კი, მესამე საფეხურამდე დაქვეითდა.
ამრიგად, თასის ნახევარფინალში პორტუგალია, საფრანგეთი, ესპანეთი და ინგლისი ითამაშებენ. საქარველოს ნაკრებს V-VIII ადგილის ნახევარფინალში უელსთან, ან რუსეთთან მოუწევს თამაში. ამ წუთებში რუსეთი მოლდოვას ეთამაშება, მოგვიანებით კი, რუმინეთი იტალიას დაუპირისპირდება, ჯგუფური ეტაპი დასრულდება და ნახევარფინალებში გუნდები ამის შემდეგ დაწყვილდებიან.