საფრანგეთის ეროვნული ნაკრებისა და პარიზული „რასინგის“ გარემარბ ტედი ტომასთვის მიმდინარე სეზონი დასრულდა.

22 წლის მორაგბეს მუხლქვეშა მყესების პრობლემა ადრეც ჰქონდა და 20 თებერვალს, ტოპ 14-ში „გრენობლთან“ გამართულ მატჩში ტრავმის რეციდივი შეემთხვა. Midi Olympique-ს ცნობით, პარიზული კლუბის ექიმების გადაწყვეტილებით, ტომას, რომელმაც ირლანდიასთან მატჩში მეხუთედ მოირგო ეროვნული გუნდის მაისური [4 ლელო], კიდევ ერთ ოპერაციას არ გაუკეთდებენ. ნაცვლად ამისა, მას დასვენების საშუალებას მისცემენ და ასე მოხდება დაზიანების აღმოფხვრა. სავარაუდოდ, დასვენება ივნისამდე გასტანს და შესაბამისად, მისთვის მიმდინარე სეზონი დასრულდა.

Midi Olympique-სვე ცნობით, „რასინგი“ დანაკლისის შევსებას ფიჯელი ალბერტ ვულივულის მეშვეობით ეცდება, რომელსაც „სამედიცინო ჯოკერის“ სტატუსით დაიმატებს. ალბერტისთვის „რასინგი“ უცხო გუნდი არაა. ფიჯის ნაკრების მორაგბე ის 2010-2013 წლებში თამაშობდა, მომდევნო ორი სეზონი „ლა როშელსა“ და „მონპელიეში“ გაატარა, ხოლო მიმდინარე სეზონი ასევე „სამედიცინო ჯოკერის“ სტატუსით „კლერმონში“ დაიწყო.

ზურა ქსოვრელი