რაგბის საერთაშორისო საბჭოს (IRB) ცნობით, ორგანიზაციის ახალი მმართველის, ვიცე-პრეზიდენტის და აღმასრულებელი დირექტორის არჩევნები 12 დეკემბერს, ამერიკის შეერთებულ შტატებში, ლოს ანჯელესში გაიმართება.
როგორც Scrum-ი იუწყება, ახლადარჩეული ფუნქციონერების მუშაობის ოთხწლიანი ვადის ათვლა, 2012 წლის პირველი იანვრიდან დაიწყება.
ეს არჩევნები ამა წლის 19 ოქტომბერს, ახალ ზელანდიაში, ოკლენდში უნდა გამართულიყო. IღB-ს თავკაცობისთვის ორი კანდიდატი იბრძოლებს: მისი ამჟამინდელი პრეზიდენტი, 64 წლის ფრანგი ბერნარ ლაპასე და მოქმედი ვიცე-პრეზიდენტი, 59 წლის ინგლისელი ბილ ბომონტი, რომელსაც თავის ინგლისის ეროვნულ გუნდში და “ბრიტანელ და ირლანდიელ ლომებში” უთამაშია. არჩევნებში მონაწილეობას ორგანიზაციის 26 სუბიექტი მიიღებს. ამასთან, აირჩევენ აღმასრულებელი კომიტეტის შვიდ წევრს.