საქართველოს ნაკრებმა თამაში არეულად დაიწყო და მელევე ლელო მიიღო, რასაც ზუსტი რეალიზაცია მოყვა. ამაზე კვირიკაშვილმა ზუსტი ჯარიმით უპასუხა, მაგრამ რუმინელებმა ჯარიმითვე 7-ქულიანი უპირატესობა აღადგინეს. დასკვნით 5 წუთში საქართველოს ნაკრებმა კარგად შეუტია, კვირიკაშვილმა ჯარიმით სხვაობა კვლავ 4 ქულამდე დაიყვანა, მერე კარგ მოლს რუმინელთა დაჯარიმება და სინბინი მოყვა, მაგრამ ანგარიში უცვლელი დარჩა.
აღსანიშნავია, რომ მე-14 წუთზე სინბინით ირაკლი მაჩხანელიც დაისაჯა და ქართველმა მორაგბეებმა 10 წუთი კაცნაკლული ითამაშეს. პარალელურ მატჩში, რომელშიც პორტუგალია ესპანეთს მასპინძლობს, ესპანელები პირველი ნახევრის შემდეგ 8:6 იგებენ. ერთა თასის კიდევ ერთ შეხვედრაში რუსეთმა სოჭში უკრაინა 38:19 დაამარცხა.
ზურა ქსოვრელი
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია