საქართველოს მორაგბეთა ეროვნულ ჩემპიონატში სანაკრებო მატჩებით გამოწვეული პაუზა დამთავრდა და ფიჯისთან გამართული თამაშის მეორე დღესვე, ერთი გადადებული შეხვედრაც გაიმართა.
რუსთავის “ხარებს” “ბათუმისთვის” V ტურში, სექტემბრის მიწურულს უნდა ემასპინძლა, მაგრამ მაშინ ეს თამაში გადაიდო და ახლაღა გაიმართა. რუსთაველებმა ზღვისპირელები 28:16 დაამარცხეს, თავად 4 ქულა აიღეს, მეტოქე უქულოდ დატოვეს და სატურნირო ცხრილში მიუახლოვდნენ. იმის გათვალისწინებით, რომ “ხარებს” კიდევ ერთი მატჩი აქვთ თადარიგში (“არმაზთან”), რომელიც უკვე 15 დეკემბერს გაიმართება, მათ ბათუმელების ჩამოტოვებაც შეუძლიათ.
სანამ “ხარები” თავის მეორე გადადებულ თამაშს გამართავენ, ჩემპიონატი თითქმის ერთთვიანი შესვენების შემდეგ 1-2 დეკემბერს, XI ტურით დაბრუნდება.
საქართველოს მორაგბეთა XXIII ეროვნული ჩემპიონატი. გადადებული
რუსთავი. “ტექნიკუმი”
ხარები (რუსთავი) - ბათუმი (ბათუმი) 28:16
| 1 | ლელო | 10 | 9 | 0 | 1 | 292-125 | 43 |
| 2 | არმია | 10 | 9 | 0 | 1 | 260-148 | 41 |
| 3 | აია | 10 | 7 | 1 | 2 | 277-144 | 34 |
| 4 | არმაზი | 9 | 6 | 0 | 3 | 181-160 | 25 |
| 5 | ლოკომოტივი | 10 | 4 | 1 | 5 | 211-183 | 22 |
| 6 | ჯიქები | 10 | 4 | 0 | 6 | 172-161 | 22 |
| 7 | ბათუმი | 10 | 3 | 0 | 7 | 159-221 | 14 |
| 8 | ხარები | 9 | 3 | 0 | 6 | 120-212 | 13 |
| 9 | აკადემია | 10 | 2 | 0 | 8 | 87-293 | 9 |
| 10 | ყოჩები | 10 | 1 | 0 | 9 | 156-268 | 7 |
ზურა ქსოვრელი
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია