შოტლანდიის ეროვნული ნაკრების შუამარბი მარკ ბენეტი საკუთარ ნაკრებს ექვსი ერის მომდევნო სამ შეხვედრაში გამარჯვებას უწინასწარმეტყველებს.

ვერნ კოტერის შეგირდები 27 თებერვალს იტალიას, 13 მარტს საფრანგეთს, ხოლო 19-ში ირლანდიას ეთამაშებიან. აქამდე გამართულ შეხვედრებში სქოთები ინგლისთან 9:15, ხოლო უელსთან 23:27 დამარცხდნენ და ცხრილში ამ დროისთვის მე-5 ადგილს იკავებენ.

მარკ ბენეტი: „დარწმუნებული ვარ შოტლანდია მომდევნო სამ მატჩს მოიგებს. ერთ მიზეზსაც კი ვერ ვხედავ, თუ რატომ ვერ უნდა შევძლოთ ეს. საკუთარი თავის გვწამს და 27 თებერვალს ამას ყველას დავუმტკიცებთ“.

აღსანიშნავია, რომ შოტლანდიას საფრანგეთი 2006 წლის შემდეგ არ დაუმარცხებია, იტალიასთან გამართული ბოლო 10 შეხვედრის შედეგები კი, ასეთია:

2011(აგვისტო): შოტლანდია - იტალია 23:12

2012(მარტი): იტალია - შოტლანდია 13:6

2013(თებერვალი): შოტლანდია- იტალია 34:10

2013(ივნისი): შოტლანდია -იტალია 30:29

2014( თებერვალი): იტალია-შოტლანდია 20:21

2015(თებერვალი): შოტლანდია-იტალია 19:22

2015(აგვისტო): იტალია-შოტლანდია 12:16

2015(აგვისტო): შოტლანდია-იტალია 48:7

იტალიისა და შოტლანდიის ნაკრებების შეხვედრა რომში, თბილისის დროით 18:25 საათზე დაიწყება.

ელენე ლომსაძე