ამბები

15:25 | 21.03.2013 | ნანახია 2998 - ჯერ

გარდაიცვალა ნუგზარ ძაგნიძე

საქართველოს რაგბის კავშირი მწუხარებით იუწყება, რომ  ხანგრძლივი და მძიმე ავადმყოფობის შემდეგ გარდაიცვალა გამოჩენილი ქართველი მორაგბე, ქუთაისის "აიას" ლეგენდარული უკანახაზელი ნუგზარ ძაგნიძე (1967-2013).

ნუგზარ ძაგნიძე რაგბს ეზიარა რამაზ სვანიძის წრეში. შალვა ქურციკიძემ, 17 წლის უმაღლეს ლიგაში აიყვანა. შემდეგ დააოსტატა დუგლას კავთელაშვილმა.

საბჭოთა ხანაში აიღო სამი ოქრო (1987, 1988, 1989), თითო ვერცხლი (1984), ბრინჯაო (1985) და ორი თასი (1987, 1990).

თამაშობდა საბჭოეთის ჭაბუკთა და კაცთა ნაკრებებში. "ერთა თასის" წინამორბედ "ფირას პირველობაზე" მოიპოვა სამი ვერცხლი (1987, 1989, 1990),

იყო საქართველოს 10 ნომერი პირველ ტესტში (1989, ქუთაისი) და ზიმბაბვეს 16-ვე ქულა გაუტანა.

1995 წლის ბოლომდე მიითვალა 12 “ბორჯღალი”, ნაკრებს 7-ჯერ უკაპიტნა და 105 ქულა (3 ლ. 9 გ. 22 ჯ. 3 ა.) შესძინა.

თამაშობდა 15 და 10 ნომრებზე. იყო ბრძენი ტაქტიკოსი და კარში უბადლო დამრტყმელი.


კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
0.091921