საერთაშორისო

10:45 | 24.02.2016 | ნანახია 1830 - ჯერ

იბურთავეს და აბურთავეს

ამერიკის ექვსი ერის მესამე ტურში კანადის ნაკრებმა ბრაზილიისგან სამი ლელო გაუშვა, თუმცა თავად მეტოქეს 7 გაუტანა და თვალსასეირო შეხვედრაში მეტოქე 52:25 დაამარცხა.

ეს იყო პირველი შემთხვევა, როდესაც რაგბიში ამ გუნდების გზები გადაიკვეთა. რა თქმა უნდა კანადელები მთელი შეხვედრის განმავლობაში ფლობდნენ უპირატესობას, მაგრამ სამხრეთელები ადვილად არ ნებდებოდნენ და ხან ჯარიმებით და ხანაც მეტოქის შეცდომების ხარჯზე გატანილი ლელობით, საპატიო ანგარიშს ინარჩუნდბებ.

კანადა რუმბალისა და პანგას ლელოებით დაწინურდა, ბრაზილიამ ორივე შემთხვევაში ჯარიმით უპასუხა და მასპინძლებმაც თავი დაიზღვიეს - ჯარიმა კარში დაარტყეს. 26-ე წუთზე ორ კანადელს ბოჭვა გაუცუდდა და კრემერის ლელოს შემდეგ სხვაობა 4 ქულამდე დავიდა, მაგრამ ბარკვილმა და რუმბალმა შესვენებამდე კიდევ ორი ლელო გაიტანეს - 31:13. მეორე ტაიმში დანკერიზე კვლავ გაფუჭდა ბოჭვა და სტუმრებმა ერთი ლელო გაქვითეს, დასკვნით 15 წუთში კი, მაყურებელმა კიდევ 4 ლელო იხილა. პანგას დუბლს ბრაზილიამ და როსის ლელოთი უპასუხა, რამაც ჩრდილოელები გააღიზიანა და ჩილინიმ და ჰამსონმა მეტოქის ლელოს ხაზი კიდევ ორჯერ გადაკვეთეს.

მომდევნო ტურში ბრაზილია აშშ-ს მასპინძლობს, ხოლო კანადა არგენტინას ეწვევა.


კომენტარები (0)

კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია

FB ავტორიზაცია
0.08614