რაგბი ევროპის ჩემპიონატის, ყოფილი ერთა თასის ქვედა დონეს ბელგიის ნაკრები ლიდერობს და დიდი ალბათობით, გაისად ის „ა“ დივიზიონს დაუბრუნდება, საიდანაც 2014 წელს დაქვეითდა.
ორი წრის ჯამში ბელგიელებმა უკვე 8 თამაში გამართეს და აქედან 7 მოიგეს, ერთადერთი მარცხი უკრაინასთან განიცადეს (16:17) და უახლოეს მდევრებს - მოლდოვას და უკრაინას, რომელთაც ერთი შეხვედრით ნაკლები აქვთ ჩატარებული, 11 ქულით უსწრებენ.
გასულ შაბათს ბელგიამ ჰოლანდიას უმასპინძლა, 4 ლელო გაუტანა და პრემიალური ქულით, 32:8 დაამარცხა. სტუმრები ჯარიმით დაწინაურდნენ, მაგრამ შესვენებამდე ორი ლელო გაუშვეს, ორივე გარდასახვა ზუსტი იყო და მერე მასპინძლებმა ჯარიმაც მიითვალეს. ჰოლანდიამ 53-ე წუთზე ლელოთი შეამცირა ჩამორჩენა, მაგრამ მალევე ჯარიმა გაუშვა, დასკვნით 5 წუთში კი, ბელგიამ კიდევ ორი ლელო გაიტანა და სატურნირო ცხრილში 5 ქულა ჩაიწერა.
12 მარტს ბელგიელები სტუმრად ერთ-ერთ მდევარ მოლდოვას ეთამაშებიან, ხოლო 19-შო პოლონეთს სტუმრობენ და ერთი თამაშიც თუ მოიგეს, „ა“ დივიზიონის საგზურს დაიბევებენ.
| 1. | ბელგია | 8 | 7 | 0 | 1 | 285:123 | 33 | 5 |
| 2. | მოლდოვა | 7 | 4 | 0 | 3 | 197:108 | 22 | 6 |
| 3. | უკრაინა | 7 | 5 | 0 | 2 | 155:111 | 22 | 2 |
| 4. | პოლონეთი | 8 | 4 | 0 | 4 | 164:201 | 18 | 2 |
| 5. | ჰოლანდია | 6 | 2 | 0 | 4 | 89:106 | 11 | 3 |
| 6. | შვედეთი | 8 | 0 | 0 | 8 | 87:328 | 0 | 0 |
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
ლიდერობენ რა, ეგენი ამოვლენ გაისად.