დიდი ხნის განმავლობაში ელოდნენ ქართული რაგბის ქუთაისელი გულშემატკივრები სათაურში მოყვანილ ფრაზას და მათი ოცნება ახდა, ოღონდ, ჯერჯერობით მხოლოდ 7-კაცა რაგბში.

2013 წლის 7-კაცა რაგბის საქართველოს ჩემპიონატის ფინალურ ეტაპზე ქუთაისელებმა ერთი თამაში დათმეს, მაგრამ ამან მათ პირველობას ხელი ვერ შეუშალა. დასავლეთ დივიზიონის ფინალისტმა “აიამ” ჯგუფური ეტაპის პირველ ორ მატჩში ჯერ თბილისის “ხულიგანა” დაამარცხა 21:12, მერე “ყოჩები” 27:7 და აღმოსავლეთ დივიზიონის გამარჯვებულ “ჯიქებთან” 12:15 მარცხამდე, თასის ნახევარფინალში თამაში უკვე დაიბევა.

იქ ქუთათურთა მეტოქე “ბათუმი” იყო, რომელმაც ჯგუფში “ლოკომოტივი” 17:0, “ბაგრატი” 12:7 და “აკადემია” 17:12 დაამარცხა. ერთი კვირის წინ ზღვისპირელებმა დასავლეთ დივიზიონის გათამაშების ფინალში “აია” 21:7 დაამარცხეს, მაგრამ ამჯერად ქუთაისელებმა ღირსეული რევანში აიღეს, 19:7 იმარჯვეს და ფინალში გავიდნენ. აღსანიშნავია, რომ გადამწყვეტ შეხვედრაში თამაშის უფლება ჯგუფურ ეტაპზე ასევე მეორე ადგილის დამკავებელმა “ლოკომოტივმა” მოიპოვა, რომელმაც “ბათუმთან” 0:17 მარცხის შემდეგ, 2012 წლის 7-კაცა რაგბის ჩემპიონ “აკადემიას” ზუსტი გარდასახვების წყალობით 14:10 მოუგო, ხოლო “ბაგრატს” 35:0 აჯობა.

ნახევარფინალში “ლოკომოტივმა” “ჯიქები” 21:12 დაამარცხა და ფინალში გავიდა, რის შემდეგაც “ჯიქებმა” III ადგილისთვის თამაში იუარა და ბრინჯაო ბათუმელებს უბრძოლველად ერგოთ.

ფინალი თვალსასეირო საყურებელი გამოდგა, ბლომად ლელოები გავიდა, მაგრამ მათი უმეტესობა “აიას” ანგარიშზეა, რომლებმაც თბილისელებს 49:21 აჯობეს და ჩემპიონის თასი შემართეს.

V ადგილიც ქუთაისელებს ერგოთ. “ბაგრატი” გადამწყვეტ მატჩს დასვენებული შეხვდა, რადგან მეორე დღეს “ხულიგანა” შეჯიბრზე არ გამოცხადდა. “აკადემიამ” ამ ეტაპზე “ყოჩებთან” დიდი ბრძოლა გადაიტანა და მეტოქე ერთი გარდასახვით დაამარცხა (19:17). გადამწყვეტ ჯახში “ბაგრატმა” ორი ლელო მიიღო, მაგრამ თავად სამი გაიტანა და 21:14 იმარჯვა.

2013 წლის საქართველოს ჩემპიონატი 7-კაცა რაგბში

13-14 ივლისი. თბილისი. “შევარდენი”

13 ივლისი

A ჯგუფი

ჯიქები - ყოჩები 22:0

აია - ხულიგანა 21:12

აია - ყოჩები 27:7

ხულიგანა - ჯიქები 0:27

ყოჩები - ხულიგანა 12:19

ჯიქები - აია 15:12

B ჯგუფი

ბათუმი - ლოკომოტივი 17:0

აკადემია - ბაგრატი 22:0

აკადემია - ლოკომოტივი 10:14

ბაგრატი - ბათუმი 7:12

ლოკომოტივი - ბაგრატი 35:0

ბათუმი - აკადემია 17:12

14 ივლისი

ნახევარფინალები V-VIII ადგილებისთვის

ხულიგანა - ბაგრატი (ხულიგანა არ გამოცხადდა)

აკადემია - ლოკომოტივი 19:17

თასის ნახევარფინალები

ჯიქები - ლოკომოტივი 12:21

ბათუმი - აია 7:19

VII ადგილისთვის

ხულიგანა - ყოჩები (ხულიგანა არ გამოცხადდა)

V ადგილისთვის

ბაგრატი - აკადემია 21:14

III ადგილისთვის

ჯიქები - ბათუმი (ჯიქები არ გამოცხადდა)

ფინალი

ლოკომოტივი - აია 21:49