21 და 22 სექტემბერს, პარიზში ჟან ბუანზე (Stade Jean-Bouin), “სტად ფრანსეს” სტადიონზე გაიმართება ყოველწლიური “დედაქალაქების ტურნირი” (Tournoi des Capitales), რომელშიც დედაქალაქებისა და მსხვილი ქალაქების 15-წლამდე მორაგბეთა რაგბი 7-ის ნაკრებები იღებენ მონაწილეობას. ტურნირში, თბილისის ნაკრების სახელით საასპარეზოდ, საქართველოს 15-წლამდელთა ნაკრები გაემგზავრა.

დედაქალაქების ტურნირში, რომელიც საფრანგეთის რაგბის კავშირისა და პარიზის რაგბის კომიტეტის ორგანიზებით იმართება, ქართველი 15-წლამდელები მეორედ მონაწილეობენ. პირველად, აღნიშნულ ტურნირში საქართველოს U15 ნაკრებმა 2010 წელს იასპარეზა და ფინალში კეიპტაუნის ნაკრებთან დამარცხდა.

წელს ტურნირზე შემდეგი ქალაქების ნაკრებები მონაწილობენ: ბრიუსელი, ბუქარესტი, დუბლინი, ჰაიდელბერგი, თბილისი, ნაირობი, ბუენოს აირესი, ჟენევა, პარიზი (ილ დე ფრანსის ნაკრები), სიდნეი, ბრიჯენტი, სკოტიშ ბორდერსი, ვილნიუსი, კეიპტაუნი, ბრივი და ტულუზა.

საქართველოს ნაკრები: რეზი ხარაზიშვილი (კაპ.), ლუკა კალანდაძე, გიორგი კეკელიძე, საბა ჟორჟიკაშვილი, საბა ხურცილავა, აჩიკო ღონღაძე, საბა მინდიაშვილი, თედო აბჟანდაძე, მიხეილ შუბითიძე, დავით მარგველანი, გიორგი კეპულაძე, ნიკა ქართველიშვილი.

www.rugby.ge